خليك فحالك

مستغربين الاسم؟؟ خصوصا بعد كل الكلام اللي أتكلمتوا دلوقتي بقول خليك فحالك؟؟!

أصل الموضوع كبير ولما الموضوع يكبر يبقى أحسن حاجة تعملها أنك تخليك فحالك...طب هو لو ده صح كنا نجحنا فثورة؟؟؟ ولا عملنا حاجة أصلا؟؟

الله أعلم...بص النهاردة صحيت بتخانق مع دبان وشي زي ما بيقولوا, ولما شوفت واحدة صحبتي بتعمل حاجة غلط (أنا قلتلها عليها غلط ميت مرة وبهدلتها فيها) جبتها من قفاها...ولجل النصيب معلمتي كانت واقفة وجبتني أنا من قفايه (لأ هو عشان الأمانة هي أرقى من كده بكتير)

جت معلمتي وأبتسمتلي وقالت لي: "هو أنتي أحسن من سيدنا موسى"

- "سيدنا موسى؟؟ هو أي اللي جابه هنا؟؟"

- "أنتي أحسن منه؟؟"

- "هو بالنسبة أنه رسول ونبي وكلم ربنا وكده فأكيد لأ"

- "طيب البنوته العسولة دي أوحش من فرعون؟؟"

- " فرعون بتاع "أنا ربكم الأعلى" أكيد لألألأ!!!"

- "طيب بصي كده لما ربنا أمر سيدنا موسى يروح لفرعون, قاله يقول لفرعون أي؟؟"

- وعيب عليكم أختكم حافظة تمام :))..." اذْهَبَا إِلَى فِرْعَوْنَ إِنَّهُ طَغَى, فَقُولا لَهُ قَوْلا لَّيِّنًا لَّعَلَّهُ يَتَذَكَّرُ أَوْ يَخْشَى"

- "قالك أي "ليناً" دا لمين؟؟لفرعون...يلا سلام عليكم يا بنات"

ومشيت معلمتي لعدد واحد مها محرجة وعدد واحدة صاحبت مها متشفية فيها

وهنا اكتشفت أني لا أملك أي حس لباقة فالدعوة...قوم عاملة أي؟؟ عموا جوجل شاطرين

أسيبكم مع حسن المعاملة:

• روى مسلم عن أبي هريرة رضي الله عنه عن النبي صلى الله عليه وسلم قال:"الناس معادن كمعادن الفضة والذهب, خيارهم في الجاهلية خيارهم في الإسلام إذا فقهوا, والأرواح جنودٌ مجندةٌ, فما تعارف منها ائتلف وما تناكر منها اختلف"
• ويُعلم بداهةً أن معاملة هذه الاختلافات معاملةً واحدةً لا يستقيم. فما يلائم هذا لا يناسب ذاك، وما يحسُنُ مع هذا لا يجمل مع غيره. لذا قيل:(خاطبوا الناس على قدر عقولهم )
• كان شأنه صلى الله عليه وسلم في تربية أصحابه وتعليمهم أن يراعي أحوال من يتعامل معهم وينزل الناس منازلهم.ففي فتح مكة أمر الرسول صلى الله عليه وسلم المنادي أن يعلن في الناس أن من دخل المسجد الحرام فهو آمن, ومن دخل بيته فهو آمن, ومن دخل دار أبي سفيان فهو آمن..., أشمعنا بقى دار أبي سفيان , هي مش زيها زي بقية دُور أهل مكة؟؟ (إنها المعرفة بنفسيات الناس وما يطيقون وما يحبون ,ومعرفة الدخول إلى قلوبهم)

طيب ده الرسول صلى الله عليه وسلم (مع أن "قد كان لكم في رسول الله أسوة حسنة" وكده) وكان بيدعو الصحابة (اللي هما الناس الكمّل دول) أحنا مالنا؟؟؟

هقولكم عشان:

1) .يقول الرسول صلى الله عليه وسلم :"خير الناس أحسنهم خُلُقاً" (فالمسلم لايُحسِّنُ خلقه ليكسب مصلحة,إنما لكسب رضا الله عز وجل)

2) يقول صلى الله عليه وسلم :" إن الرجل ليدرك بحسن خلقه درجات قائم الليل وصائم النهار "

3) يقول الرسول صلى الله عليه وسلم :"المؤمن يألف ويؤلف ولاخير فيمن لا يألف ولا يؤلف , وخير الناس أنفعهم للناس "

4) يقول الله عز وجل: "ادع إلى سبيل ربك بالحكمة والموعظة الحسنة وجادلهم بالتي هي أحسن إن ربك هو أعلم بمن ضل عن سبيله وهو أعلم بالمهتدين " (يعني أنت مأمور بحسن الأخلاق, مش بمزاجك يعني يا عم الحج)

5) يقول تعالى:"فبما رحمةٍ من الله لنت لهم ولو كنت فظاً غليظ القلب لانفضوا من حولك" (زي ما صحبتي العسولة معبرتنيش كده )

6) "فاعف عنهم واستغفر لهم وشاورهم في الأمر "

7) يقول الرسول صلى الله عليه وسلم :"من ستر مسلماً ستره الله في الدنيا والآخرة " (مش زي ما فضحت البنت كده يعني)

8) يقول الرسول صلى الله عليه وسلم :" أنا زعيمٌ ببيتٍ في ربض الجنة لمن ترك المراء ولو كان محقاً" (أمسك فيه ده يمكن يكون أملنا فالجنة)

9) الرسول صلى الله عليه وسلم يقول : " أحب الناس إلى الله عز وجل أنفعهم للناس، وأحب الأعمال إلى الله سرورٌ تدخله على مسلمٍ ، تكشف عنه كرباً ، أو تقضي عنه ديناً ، أو تطرد عنه جوعاً ، ولو أن تمشي مع أخيك في حاجته أحبُّ إليَّ من أن تعتكف شهراً "

ركزوا بقى فاللي جاي عشان نعرف نحسن المعاملة:

1) الناس يكرهون النصيحة في العلن: زي ما قلتلكم فوق ربنا يستر على وليانا

2) لا تلُم أحداً عساكَ ألاّ تُلام : يعني مالأخر اللي بيته من أزاز ميغيرش هدومه فالصالة

3) من الحكمة أن تُسلم بخطئك حين تخطيء: يعني ماتأوحش غلط قول غلط, يعني زمان كانوا بيقولوا "المقر بالذنب كمن لا ذنب له" يقصدوا أن الناس بتعامله كده (لكن فالثواب والعقاب كله مكتوب فوق فصحيفتك...ربنا يستر)

4)  إيَّاك والأنا: يعني يبقى اللي قدامك مش طايق وأنتا تهريه بقصة حياتك زي ما أنا أجي أقولكم أنا اللي علمتكم وأنا اللي ثقفتكم وكده يعني...ومن تواضع لله رفعه

5)لا تُركِّز على السلبيات دون الحسنات: يعني شوف رسولك الحنين كان بيقول "لا يَفْرَكْ مؤمنٌ مؤمنةً إن كره منها خلقاً رضي منها آخر" يعني لما تيجي تتجوز مش أول لما البنت الغالبانة تعمل حاجة متعجبكش تخلع, أكيد عندها حاجات هتعجبك بردوا...يقول سعيد بن المسيب:"ليس من شريفٍ ولا عالمٍ ولا ذي فضلٍ إلا فيه عيب, ولكن من الناس من لاينبغي أن تُذكر عيوبه " فمن كان فضله أكثر من نقصه ذهب نقصه لفضله...أخرج البخاري قوله صلى الله عليه وسلم :"أوصيكم الأنصار فإنهم كرشي وعيبتي (يعني بطانتي وخاصتي ), فقد قضوا الذي عليهم (يقصد أنهم وفوا بما تعهدوا به في بيعة العقبة), وبقي الذي لهم ، فاقبلوا من محسنهم وتجاوزوا عن مسيئهم "

6) الناس يكرهون من لا ينسى الزلات: يعني أزعل منك فحاجة أقوم قايلالك "طبعا ما ده العادي بتاعك, فاكرة واحنا فخمسة ابتدئي لما....."...الله عز وجل يقول:"والعافين عن الناس"..أعفوا يا بشر لعل الله يعفوا عنا

7) احذر من النقد المباشر: غباء بقى "أصل أنتي بطبعك مستفزة...أوعي تزعلي مني" ما أنتي البعيدة شتمتيها أكيد هتزعل منك...وبص حبيبك صلى الله عليه وسلم عمل أي لما جالوا ناس فقراء وكانوا كلهم من مُضَر, وتأثر الرسول صلى الله عليه وسلم لما لهم من الفقر فقام وخطب الناس, ثم قال:"تصدق رجلٌ من ديناره, من درهمه, من ثوبه, من صاع تمره". قام بقى ساعتها قال تصدقوا يا بُخله ولا عاتبهم على عدم الصدقة, فانظر النتيجة: جاء رجلٌ من الأنصار بِصُرّة كادت تعجز يده عن حملها , بل عجزت, وقدمها للرسول صلى الله عليه وسلم فاستهل وجهه وقام الناس وتصدقوا فأصبح عنده كومة من الصدقات...

8)الفت النظر إلى الأخطاء تلميحاً وبكُلِّ لباقةٍ: أيوه دي اللي معنديش منها وخلتني أبدأ الموضوع وده يثبتلك أن فاقد الشيء بيعطيه عادي يعني... بص بقى لباقة حبيبك صلى الله عليه وسلم لما قال لعبدالله بن عمر رضي الله عنه :"نعم الرجل عبد الله لو كان يقوم من الليل " شوف عالج الخطأ بكل لباقةٍ بل وقدم المدح والثناء قبل لفت النظر إلى الخطأ.

9)  تكلَّم عن أخطائك أولاً, وقدٍّم اقتراحات مهذبة

10)  لا تعامل الناس باستعلاء:  روى هارون بن عبد الله الجمال, فقال: ( جاءني أحمد بن حنبل بالليل ـ انظروا كيف يكون التصرف يريد أن يصحح خطأً! ـ، فدقَّ علي الباب، فقلت: من هذا ؟ فقال: أنا أحمد، ـ لم يقل: الشيخ أحمد ـ فبادرت وخرجت إليه فمساني و مسِّيته. فقلت: حاجة أبي عبد الله ؟ ( أي: ما حاجتك ؟), قال: شغلت اليوم قلبي. فقلت: بماذا يا أبا عبد الله ؟, قال: جُزتُ عليك اليوم وأنت قاعدٌ تُحدِّث الناس في الفيء (الظل) والناس في الشمس بأيديهم الأقلام والدفاتر. لا تفعل مرة أخرى، إذا قعدت فاقعد مع الناس) لأ وخدت بالك أن اللي كان غلطان هو اللي بيحكيها...بردوا الناس زمان كانت محترمة قوي

11) نادِ الناس بأحب أسمائهم, وتعرَّف على أنسابهم: كان صلى الله عليه وسلم ينادي الناس بأحب أسمائهم, حتى الأطفال الصغار كان يكنيهم أحياناً ( يا أبا عمير ما فعل النغير ؟) وأبو عمير طفلٌ صغير . 

12) الناس يحبون الشكر والتشجيع: روى أحمد والترمذي: (( من لم يشكر الناس لا يشكره الله ))...و قوله صلى الله عليه وسلم :(( اللهم لا عيش إلا عيش الآخرة ، فأكرم الأنصار والمهاجرة ))...وكمان فيه (( من صنع إليكم معروفاً فكافئوه... )) ....وشوفوا سيدنا سعد بن معاذ رضي الله عنه (خاطيبي) لما الرسول شجعة قاله أي:  قال لرسول الله صلى الله عليه وسلم : (لعلك تخشى أن تكون الأنصار ترى حقاً عليها ألا تنصرك إلا في ديارهم, وإني أقول عن الأنصار وأجيب عنهم, فأضعن حيث شئت ، وصِل حبل من شئت ، واقطع حبل من شئت ، وخُذ من أموالنا ما شئت, واعطنا ما شئت, وما أخذت منا كان أحبَّ إلينا مما تركت, وما أمرت فيه من أمرٍ فأمرنا تبعٌ لأمرك, فوالله لئن سرت حتى تبلغ البَركَ من غمدان لنسيرنّ معك, و والله لئن استعرضت بنا هذا البحر فخضته لخضناه معك). فسُرَّ رسول الله صلى الله عليه وسلم بقول سعدٍ ونشطّه ذلك, ثم قال:(سيروا و أبشروا فإن الله تعالى قد وعدني إحدى الطائفتين)

13) ابتسم للناس, يبتسمون لك: أظن دي كلنا عرفينها و تي شيرتات "أسميل ايتيز سُنّة" ماليه البلد

14) تهادوا تحابوا: أي هدية سلموها للأمانات تحت وشكرا

15) دع الغير يظنُ أن الفكرة هي فكرته: ودي كل الزوجات المصريات بيعملوها...قديمة يعني

دي بقى قصص عجبتني:

• كان في واحد مؤلف كده أسمه دايل كارنيجي, كان بيقول "من هواياتي أن اصطاد السمك, وبمقدوري أن أجعل الطُعم الذي أثبته في السنارة أفخر أنواع الأطعمة, لكني أفضل استعمالي طعوم الديدان على الدوام, ذلك أنني لا أخضع في انتقاء الطعوم إلى رغبتي الخاصة, فالسمك هو الذي سيلتهم الطُعم... وهو يفضل الديدان فإذا أردت اصطياده قدَّمت له مايرغب فيه ." فالنظرية مش أي الكلام اللي هيعجبك...لكن أي الكلام اللي هيدخل قلب الناس ويشربوه

• من كام سنة, قرَّرَ مجلس إدارة شركة (جنرال إلكتريك) إقالة رئيس قسم الحسابات في الشركة وكان مهندساً كهربائياً عبقرياً طالما انتفعت به الشركة, لكنه لم ينجح في إدارة قسم الحسابات أيَّ نجاحٍ, وكانت الشركة تقدر للرجل فضله لكن تود كفَّ يده عن قسمٍ حيويٍّ فيها, فكيف تبلغه ذلك؟...راحوا مخترعين له منصب " المهندس المستشار للشركة " وجعلته عليه ثم سلمت إدارة القسم لشخصٍ آخر... 

• "جيم فارلي" ما كملش الأربعين سنة ألا وكانت أربع جامعات أدته درجاتها الفخرية, وتم تعينه مدير البريد العام في الولايات المتحدة... أزاي يا عم الحج؟؟ كان يتملك مقدرةً فائقةً على تذكُّر أسماء الناس. كان يلقى الرجل فيتعرف على اسمه الكامل, وأسماء أولاده وأهله المقربين, ويستفسر عن عمله, وميوله السياسية، ونزعاته الفكرية، ثم يختزن كل ذلك في ذاكرته حتى إذا التقى به ثانية سار الحديث بينهما وكأنه لم ينقطع عنه. فيسأله "جيم" عن أولاده وزوجته وأزهار حديقته, وفي لغة يشعر معها المسئول بقرابته الفعلية من قلب "جيم" وعواطفه. يعني أحنا نقضّيها ورقة وقلم طول ما أحنا مشيين =)

 اللهم لا تجعلني جسرا يعبر احبائي به إلى الجنة, ثم يقذف به فالنار...أمين

إلى الشيعة...من أنتم (12)

تابع\ نشأة حزب الله:


يبقى أخر حاجة وصلنلها أن موسى الصدر ضاع (مش مصدقة, ضحك قووويي), وشيعة لبنان مش لقين حد يمسكهم

فمسك المجلس الشيعي الأعلى واحد أسمه "عبد الأمير قبلان" (أسمه وحش) وده كان نائب موسى الصدر قبل ما يتوه, وفضل نائب (حاجة زي عمر سليمان كده) بس بردوا المجلس ملوش رأيس, وبقت المرجعية الروحية لواحد من شيوخهم أسمه "حسين فضل الله"

بصوا هو للأمانة هو ليه صور شكله فيها طيب...بس أنا حبيت أجيب واحده شريرة عشان ءأثر عليكوا وكده يعني

يبقى كده مش فاضل غير حركة أمل العسكرية (أطياف المقاومة اللبنانية) ودي بقى أتقسمت حتتين

1) جزء شيعي علماني ولا يفرق معاه إيران ولا الخوميني ولا أي حاجة من البطيخ ده (وزي ما قلت هنا العلمانية تبقى مصلحة) ومش عاوز مرجعية دينية بره لبنان وواخدين خط القومية الوطنية (بلادي بلادي يعني) وده مسكه واحد أسمه "نبيه بري" ومع أن أسمه ضحكني فهو زعيم لبناني معروف والله أعلى و أعلم

2) أما الجزء التاني فدول حبايبنا الشيعة المتأصلين, ودول اللي عاوزين يمشوا على أستايل موسى الصدر ويعملوا الدولة الأثنى عشرية بتاعتهم دي فلبنان لكن مشكلتهم أنهم مش لقيين زعيم (مطلوب رأيس زينا كده)

ده الأوڤر ڤيوه عالأحداث

في هذا الوقت بقى رجع شابين كانوا فأعارة فالعراق بيدرسوا المنهج الشيعي هناك فالنجف...الأتنين دول هما اللي هيكونوا السبب فتكملت خطط موسى الصدر وهما:

عباس الموسوي و حسن نصر الله

طاطا طااطااااا

دي غالبا وهما لسة راجعين واللي فالنص ده واحد صاحبهم...وغير كده تحس أن الصورة متاخدة من تحت بنّورة  الكونسول على رأي جدتي

وأول ما وصلوا وهما سوخنين كده دخلوا فحركة أمل, ومسكوا مراكز قيادية على طول (مع أن ساعتها كان حسن نصر الله يدوب عنده 18 سنة, يعني يادوب مطّلع رخصة!!)

وفسنة 1979م نجحت ثورة إيران (مع الأسف) وخلعوا الشاة والخوميني رجع من باريس (غالبا فرنسا البلد الوحيدة اللي رضيت تاخدوا...يعني أطّرد من إيران والعراق كمان...يعني بصراحة شكله وحش قووي) ومسك الحكم وأتخلص من المنافسة و عمل عبيط لكل اللي ساعدوه من التيارات الإيرانية التانية

وبعد مالخوميني كبر وسيطر بص على مين؟؟؟ صح, العراق ولبنان

• العراق: هو أتبهدل فيها 14 سنة وبعدين طردوه وعارف أن مش هينفع يعمل ثعلوب هناك لأن رغم بلاوي صدام حسين فالراجل مكانش عبيط, يعني مش هيعرف يقلب نظام الحكم هناك, يبقى الحل أي؟؟؟ صح, العسكر ونعمل حرب يله بينا, وفعلا الثورة الإيرانية مكملتش سنة وهو كان رايح سنة 1980م عمل حرب شاملة عالعراق بهدف أنه يسقط صدام ويسلم الحكم لشيعة العراق (يعني الراجل مبيهزرش)
• لبنان: هنا بقى ينفع يتكتك ويقلب نظام الحكم ويقلبها شيعية...بس كان محتاج ناس يثق فيهم وأنهم عندهم ولاء لولاية الفقيه اللي مسّكته الحكم وعملته فقية...وطبعا هو مش عاجبه نبيه بري عشان أتجاهه العلماني...يقوم جايب مين؟؟صح كده, عباس الموسوي وحسن نصر الله (اللي كانوا لسه خرجين من كيلاس الأثنى عشرية طازة)

و فعلا في سنة 1981م أجتمع "أمل" كلهم قاعدوا قاعدة صفا عشان يشيلوا الخلافات مابين الجزء اللي أتجاهه علماني والجزء اللي أتجاهه شيعي..وقرروا في أخر المجلس أنهم هياخدوا من كل رجلاً قبيلة!!!...أزاي؟؟بأن نبيه بري ده هيفضل ماسك حركة أمل عادي و عباس الموسوي هيكون هو النائب بتاعه


سنة 1982:
فالسنة دي وتحديدا ف 6\6 حصل مفاجأة قلبت الموازين تاني...أي اللي حصل؟؟
الصهاينّة (أسرائيل يعني لو بتعّترفوا بوجودها) أجتاحوا الجنوب اللبناني كله لدرجة أنهم وصلوا لحد بيروت وكانوا ساعتها متفقين مع اللبنانيين الموارنة!!! طيب ليه؟؟ عشان الأتنين كانوا عاوزين يخرجوا الفلسطنيين وفتح وياسر عرفات هيلا بيلا من لبنان (الموارنة: عشان متفهمش زهؤوا ولا أي, والصهاينة: عشان يعرفوا يستفردوا بيهم) وحصلت فعلا مذابح كتير ويمكن أكبرها صابرة وشاتيلا ومات في هذه المحازر فقط 3000 فلسطينين فيهم أطفال ونساء وشيوخ (وسلّملي على 11 سبتمبر وكل سنة وأمريكا مقرطسة العالم)


وفعلا نجح الصهاينة (مع مساعدة مليشيات الموارنة) أنهم يطرودا الفلسطنيين من جنوب لبنان, وده فالأول جه على هوى الشيعة فالأول لأن ده اللي كان بقالهم فترة بيطالبوا بيه وعملوا مذابح عشانه زي ما قولنا فالمرة اللي قبل اللي فاتت
لكن الصهاينة عملوا فيهم الدنيئة ومرضيوش يخروجوا من جنوب لبنان واحتلوها كلها (ما بيصدقوا يلاقوا أرض ويلزقوا  ڤالجر قووويي)


الشيعة يسكتواا؟؟ ده هي دي الحته اللي كانوا هيعملوا فيها بلدهم ياجدعان...قوم يعملوا أي؟؟ راح الشيعة المتدينين انفصلوا عن الشيعة العلمانيين اللي في حركة أمل...وبص بقى الصياعة, سمو نفسهم "حركة أمل الإسلامية" (كرياتڤتي غريبة!!!) وفعلا أمل
 الإسلامية دي تواصلوا مع إيران وعملولك لجنة من 9 ناس وسافروا إيران (ياخدوا 
بركة الخوميني وكده يعني) وقالولوا أنهم بيأمنوا بفكرة ولاية الفقيه...ومين الفقيه؟؟
 الخوميني شاطورين...ومين اللي مسك الحركة لما رجعوا؟؟ عباس الموسوي ... 
مفأوسة أوي يعني

ده "عباس الموسوي"...خدتولي بالكم من أداء القصة بردوا...تفتكروا دي حاجة في منهجهم؟؟ أصل كلهم بيطلعوا شوية الشعر كده من تحت العمامة بتاعتهم!! حاجة مُريبة قوي

وطبعا إيران ما صدقت...راحت باعته 1500 من الحرس الثوري الإيراني للبنان عن طريق سوريا عشان يدربوا حركة أمل الإسلامية عالسلاح...طيب وهما عندهم سلاح؟؟؟ طنط إيران كتر خيرها أدتهم سلاح وفلوس وشيكولاتة وكل حاجة


سوريا بقى الناصحة فضلت تدعم الأتنين, حركة أمل الإسلامية وحركة أمل القومية


وبالتالي حركة أمل الإسلامية كان عندها دعم من دولتين كبار تطمع ولا ما تطمعش؟؟؟
هقولكم المرة الجاية إن شاء الله

إلى الشيعة...من أنتم (11)

أولا أسفة على التأخير, بس واضح أن الشيطان شادد حيّله عليه شويه, بس عيب عليكم أنا بردوه مش هستسلم إن شاء الله, أدعولي بقى

بصوا المرة دي هتكون صغيرة شوية بس إن شاء الله هبعتلكم تاني قريب قوييي

نكمل الحدوته, يبقى أحنا أخر حاجة وصلنلها هي حركة "أمل" اللي هي أختصار لأفواج المقاومة اللبنانية واللي موسى الصدر عملها سنة 1975م بعد ما خلى فتح (بتاعت فلسطين) تدربهم,

المهم أنه أول ما شطح نطح وفي سنة 1975م دخّل لبنان في حرب أهلية مرعبة دخل فيها اللي جوه واللي بره (وبصراحة معقدة قوي وفيها حجات و أسماء كتير فهنعديها) المهم أن عم موسى ده وحركة أمل بتاعتوا دي كانوا هما السبب

موسى الصدر البوب التوب:

بعد ما عمل المجلس الشيعي الأعلى ومسكه وبعدين عمل حركة أمل ومسكها بردوا, حس بنفسه واتنفخ لدرجة أنه في أكتر من مؤتمر كان بيهدد أنه هيسلط صبيانه على قصور الأغنياء اللي في لبنان لو محصلش اللي هو عاوزه...وكمان أبتدى ينتقد حجات بيعملها الخوميني (أيوه الخوميني أبو نسب بتاع إيران...وأنا كنت شايفة أن عيب أوي الأمور العائلية دي تطلع قدام الناس) وأبتدى يتعامل مع الجهات العلية من غير ما يرجع للمرجعية الدينية (شوف الجبروت...دول هما اللي بعتينك يا بطيخة)...

لدرجة أن البعيد راح إيران وزار الشاة شخصيا وطلب منه يعفو عن 12 قائد ديني كان الشاة ناوي يعدمهم, وطبعا الخوميني بص أن دي خيانة عظمة لثوار ساعتها

في سنة 1978م:

الموضوع كبر, أزاي؟؟

ساعتها كانت سوريا عليها ضغوط كتير من أمريكا والدول اللي حوليها وخصوصا بعد ما السادات راح زار أسرائيل سنة 1977م, ساعتها سوريا كانت عاوزة لبنان تقف فصفها قوي خصوصا أن جيش سوريا أصلا كان موجود فلبنان (تحسهم بنات في تلاتة أبتدائي قوووي, اللي هو "دي صاحبتي أنا :P ") فكان حافظ الأسد وقتها عاوز موسى الصدر مايتحلفش مع حد غيره...موسى يسكت؟؟؟

never خصوصا أنه كان حاسس بقوته وضعف سوريا, فراح عمل جولة سياحية فالدول العربية

زار الكويت وطلع منها على الجزاير وبعدين على لبيا (أيوه عند زنجا زنجا!!!)

بوصوا بقى البيج سربرايز دي!!!

أعلنت لبيا في 25\8\1978م أن موسى الصدر ساب لبيا...طيب فين موسى؟؟مفيش موسى!!

طيب الأخوة اللي فالمطار يقولوا فالصاوند سيستم "موسى تايه ياولاد الحلال, محدش شاف الواد صدر يا جدعان"

وبعدين مظهرش موسى الصدر فالعالم كله تاني....بخ....بس هو أتوقع (أو المحللين يتوقعوا يعني) أنه أعُتقل وبعدين أغُتيل أو أغتيل على طول يعني...

بس تفتكروا مين اللي أخدوا؟؟ بتوع ثورة إيران؟؟ولا بتوع سوريا؟؟ولا بتوع الحرب الأهلية فلبنان زهئوا منه؟؟ولا ممكن القذافي كان دماغه رايحة منه ساعتها بردوا؟؟

يلا عمرنا ما هنعرف, المهم أن موسى الصدر ساب وراه فراغ كبيييير

أولا عنك حركة أمل المسلحة اللي كان هو ماسكها

وبعدين عندك مجلس الشيعة الأعلى اللي هو كان ماسكه بردوا (أستايل مبارك اللي ماسك كل حاجة ده ممل قوي)

وخلال سنة الثورة الإيرانية هتنجح وبعدها ب3 سنين أسرائيل هتحتل جنوب لبنان وفوسط السلاطة دي كلها هيطلع حزب الله يكمل مخططات موسى الصدر (بس ساعتها بتوجيه إيراني صريح)

عن الصبر

عن الصبر والتصبر والإنتظار والإستسلام نتكلم 

دعني ابدا حديثي بتعريف الفرق بين الصبر والتصبر 

الصبر هو الصفة  أما التصبر هو ممارسه - أو إذا اردنا الدقة اللغوية -هو الحال  في حين ان التصبر هو الفعل 

أي هو ممارسه فعل الصبر حتي يصير صفة متأصله أو حال دائم 

-نفس فكرة البكاء والتباكي -

 وذلك قد اخذناه من تفسير قولُه صلى الله عليه وسلم ,(ومن يتصبر يصبره الله وما أعطى أحد عطاء خيراً وأوسع من الصبر ) رواه البخاري 11/ 303 ومسلم 2نرجع الي الفروق بين الحالات السابقة من صبر واستسلام ....الي اخره حسنا بدأ الامر عندما كنت اتناقش أنا واحدى صديقاتي التي قد اصابها لله بابتلاء وهي عاجزه تماما على فعل أي شيء.. ليس بيدها شيء عندهـا سألتها اتصبرين ؟؟جاوبتني ..وهل لي غير ذلك؟! للحظه شعرت ان نعم وماذا لديها غير ان تصبر حقا ... ولكن في الحقيقه و بعد التفكير هناك حالات كثيرة يقع بها الإنسان ولا تعتبر صبرا وإن كانت ظاهريا  تقترب منه ولكن شتان بين الحالين

فهناك فرق واضح بين الصبر والإنتظار وااستسلام وإللامبالاة  

فمثلا الانتظار يتسق بوقت محدد >>ان تنتظر ظهور نتيجه شيء ما  مثلا  فهي معلومه الميعاد وإذا تأخرت أو  لم تظهر بذلك الميعاد فمن حقك ان يصيبك الحنق والشكوي وان تطالب بها والإنقلاب إذا لزم الامر...  أما الفرق بين الصبر والإستسلام >فالصبر هو ترك الامر لله تعالى مع الترقب لحدوث شيء اما الاستسلام هو ترك الامر كليا وعدم الرجوع له ..ويكون نابع أما عن يأس أو حنق أما اللامبالاة >>تعرف الفرق بينهم بمجرد ان تري انسانا صابرا وآخر لا مباليا فاما الاول فتراه صافى الذهن موصولا بالله، مما يثمر السكينة والاطمئنان والهدوء النفسى أما الاخر هو مستسلم لنفسه  وعديم السعى وعديم الاهتمام بأن يوجه ما أنعم بها الله عليه فى طريق الخير والعمل الصالح ، وعدم اليقين والثقة فى الله مما يولد الكسل والخمول والتأخر ويصبح قلبه مظلما معترضا دائماانسان تفكيره موجه بشكل سلبي يوقعه فى الشكوى واللوم والنقد الدائم والقلق والخوف والحزن والندم  وقول "ماذا لو كان ذلك, أو لم يكن" مما يغلق أبواب الخير أمامهفيبعد تمام البعد عن مفهوم الصبر وإن كان  ظاهريا يشبهه  

كذلك فان الصبر ليس انحناءة الظهر ولا العجز ولا الصمت ولا الاستسلام للطاقات  السلبيه التي تحاول الظفر بارواحنا   

الصبر حال يقترن باشياء كثيرة اولهما

الرضا >أي التسليم بان لله مااخذ وله مااعطي وانه وحده بيده الامر 

الثقة >>ان امرك كله بيد الله وانه لن يضيعك 

تلك الثقة بالله انه حتي وإن لم يجب طلبك كما طلبت فهو يدبر لك خيرا 

فلا تنقلب عليه بمجرد أنه لم يعطك ماطلبت كما طلبت تماما

 {‏‏وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ  ‏[‏الحج‏:‏11 ـ 13‏

سبحان الله اشعر ان الله يرد على تلك الايه بتلك 

 *أحسب الناس أن يتركوا أن يقولوا آمنا وهم لا يفتنون ولقد فتنا الذين من قبلهم فليعلمن الله الذين صدقوا وليعلمن الكاذبين ) العنكبوت 1ــ2

اليقين >> مهما حدث بالنهاية سيكون خيرا  لانه سيكون بإذن الله 

عدم الشكوي لغير الله >>شكواك لغير الله- وأنا اقصد الشكوي وليس شرح احوالك أو مانسميه الفضفضه ولكن الشكوي بمعناها الذي -نعرفه-

ماهي إلى نفاد للصبر وقله عقل لانك بذلك لم ينبك من الابتلاء سوي وجعه

فإذا ابتلاك الله بمرض معاذ الله فاخذت تتالم وتتاوه وتندب حالك فاين الصبر هاهنا 

فالصبر هو ان تفوض امرك لله ثم إن ماذا سيفعل الناس بشكايتك وبكائك

هل ستسترعي اهتمامهم وشفقتهم؟؟ ..وهل تريد حقا ذلك؟! 

الدعاء>>إذا نفد دعائك فمعناها انه قد نفد صبرك الدعاء مع الثقة بالإجابه

كما أنه يمكنك ان تكن ذكيا بدعائك 

ادع ان يذهب الله عنك بلاك وان يرضيك بأمره ولا تضع لله خطه 

فعقلك مهما رجح يظل عقلا بشريا لا يحتمل تدبيرات وترتيبات العظيم المذهله بحق !!

واخيرا الصبر الجميل >> الصبر الجميل الذي اوصانا الله به في كتابه الكريم هو مانعرفه ايضا بالصبر الايجابي 

فصديقتي التي احدثكم  عنها تعتقد انها تصبر بينما هي تجعل من سريرها مأوى وحامي تدخله كيرقه تحتمي بشرنقتها الصغيرة
من كل العوامل الخارجيه 

أما الصبر الجميل هو اللا تكتفي ان تكون يرقه منزليه مستكينه  بل تجعل من اوجاعك أطوار تحولك لفراشه زاهية الالوان تسر عين من يراها 

أسمع احدا يسأل ..

الم تقولي قبلا ان فاقد الشيء لا يعطيه؟!! 

صدقت.. ولكن ايضا فاقد الشيء يستطيع اكتسابه 

ان نجعل من الرضا والثقة اليقين ,الدعاء و الحمد  لارادة الله  والتسليم لقدره

 ترياق سحري  نتجرعه لنتحول لتلك الفراشات  

 ..أن نرتضي ما كتبه الله علينا و أن نحمده على البلاء كما حمدناه من قبل على النعمة ... 

أن لا نستسلم لوضع ما ونقول ماتلك إلى اراده الله وما أنا بـفاعل لأن الله بمتنهي البساطه وضعك بذلك لسبب ما  وليس عليك انتظار ظهوره  ولكن عليك الجد والبحث عنه وان لم يكن  بالضروره ادراكه ولكن من الضروري ان تعلم انه خير  تبذل جهدك كي تحسن من وضعك دون وضع خط زمني لله "والعياذ بالله انت ماعليك سوى العمل والسعي وأما التوفيق فمن عند الله يعطي مايشاء حين يشاء  لمن يشاء سبحانه فكل شيء عنده بمقدار ولم يكن بيوم بـظلام للعبيد  لذلك فان الصابرون بحق  يوفون اجورهم بغيرحساب ويقسم الله بهم في كتابه الكريم و يبشرهم بجزاء صبرهم بالدنيا والاخرة ويوصيهم بانه معهم بكل حين هنا فقط وجدت نفسي اجاوبها لا.. امامك الكثير من الاختيارات.. وطريق واحد مضمون 

اختاري ماتشائين انت أما أنا فقد توقف اختياري عند ادراكي لتلك الايه 

{وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا}

كتبتها... إيناس البداوي 

إلى الشيعة...من أنتم (10)

السلام عليكم

النهاردة شوفت خبر وجع قلبي, ونص الخبر:

أهل السنة فى طهران يناشدون نجاد السماح لهم بإقامة صلاة العيد

.................................................................................
تقدمت كتلة نواب أهل السنة في مجلس الشورى الإيراني برسالة الى الرئيس الإيراني محمود أحمدي نجاد تطالبه فيها بالسماح لأهل السنة اقامة صلاة العيد في طهران بعد منع السلطات المحلية اقامتها في العاصمة الإيرانية، ووقع على الرسالة 14 نائبا.
من جانبه، قال مسؤول اللجنة المركزية في المنظمة السنية الأحوازية خالد الزرقاني ان أهل السنة اعتادوا في طهران تأدية صلاة العيد في مقر السفارتين الباكستانية والسعودية، أو سرا في منازلهم، مشرا الى نشر آلاف من القوات الخاصة في مدينة عبادان لمنع أداء صلاة العيد في العراء.

تخيل أي أحساسهم؟؟ فالعيد وممنوعيين من الفرحة, والبدع والكفر محاط بيهم من كل حته...مش هقولك روح إيران وتربقها فوق دماغهم (لو هتقدر روح والله ماهحوشك) بس هقولك قدّر النعمة اللي أنت فيها, قدّر المسجد اللي بتكسل تروح تصّلي فيه لأن غيرك مش لاقينه, اشكر نعمة تدبر القرأن وقرأة تفسير صح بل ما كتاب التفسير مغطيه 100 سنتيمتر مكعب من التراب, لأن غيرك بيّهربوا الكتب دي عشان يقرأوها...بس أهم من كل ده...احمد الله أنه أراك الحق حقا والباطل باطل وادعيه أنه يرزقك أتباع الحق ده....

 --------------------------------------------------------------------------------

نكمل القصة؟؟

• يبقى احنا وصلنا لحد ما "موسى الصدر" ابتدا يتعامل مع جنوب لبنان كأنها عزبة بابي, وبنى فيها المحاكم الجعفرية...

• ركزوا معاية أن موسى ده ماكنش سهل يعني, يعني مالأخر واحد بتاع مصلاحته, يعني نظام ‘أنا ممكن أبيع نسمة شخصيا’...

• ساعتها هو كان عارف أن النظام المسيحي الماروني هو البوب التوب, فتحالفو معاهم ضد السُنة اللي أصلا ساعتها مكنوش ملتزمين ولا حاجة وكان أغلبيتهم علمانيين إلا من رحم ربي.

• فراح موسى الصدر عشان يقطع الشورت فالبسين دخل على طول على "شارل الحلو" وده كان رأيس لبنان الماروني فالوقت ده – فحين أنه كان ممكن يتحالف مع السُنّة ويقوي جبهة المسلمين وكده, بس كلنا عارفين أن ده مش التيب بتاع الشيعة- المهم أن شارل ده بردوا مش عابيط هو تحالف معاه عشان يلاقي حليف ضد الشارع السُنّي...

• ومن كتر ما موسى وشارل بقوا صُحاب, لما موسى تقدم سنة1967 م بفكرة أنشاء المجلس الإسلامي الأعلى عشان يمثل شيعة لبنان, شارل مكدبش خبر ووافق على طول و أصدر قانون بيقول "لا يمانع أن تكون مرجعية المجلس الشيعي في فتاويها وأحكامها وقوانينها تعود إلى المراجع الشيعية الكبرى فالعالم (يعني إيران والعراق) وليس بالضرورة إلى أحكام إيران" !!!!                 يعني زي نظام لما أمريكاني يقتل واحد فالباكستان مثلا ويقولك ملناش دعوه بحكمكم, نوديه أمريكا يتحاكم

• وفعلا عملوا المجلس سنة 1969 م وأعترفت بيه الحكومة سنة 1970 م , لأ دول كمان سرفوا 10 مليون دولار لمساعدة جنوب لبنان...شوف أنت بقى 10 مليون يعملولهم كام دلوقتي...وساعتها مين اللي مسك رأسة المجلس؟؟أكيد موسى الصدر (موافقة)

• وبردوا الصدر منساش حبيبتنا أمريكا, الراجل راح وقالهم أنه بيقاوم مد جمال عبد الناصر الأشتراكي هو وكل الأخوة الشيعة معاه فلبنان...وي كانت بدايات حسابات موسى الغلط...لأن فالفترة دي الخوميني – جناب الكومندا المهم فإيران – كان شايف أن أمريكا خطر وعدو كبير لأن ساعتها هي كانت مأيده الشاة قوي وهو كان عاوز يطّير الشاه

• فسنة 1970 م حصلت حاجة, موسى محطهاش فالخطة بتاعتوا, وهي أن تعرض الفلسطينين المهجلاين فالأردن لمذبجة أيلول الأسود

• وبعد المجزرة دي تم ترحيل الفلسطينين بقيادة ‘فتح’ – مش عارفة الناس بتختلف فيهم ليه مع أني بحبهم جدا- المهم أنهم أتنقلوا لجنوب لبنان –لأنها أقرب لفلسطين- وكان أزمة موسى واللي كدّر نفسيته أن الفلسطينيين –الكيوت- سُنّة, فده هيأخر مشروعوه الشيعي, مع العلم أن ساعتها فتح بردوا كان أتجاهم زي أغلبية الفترة دي علماني أشتراكي ملوش دعوة بالدين

• وكالعادة, موسى مصلحتك أولا, عمل علاقات كويسة مع فتح, عشان الثعلوب كان عاوز فتح يدربوا الشيعة عسكريا عشان يبدأ يعمل مليشيات ليه فلبنان, وساعتها كانت فتح بتدور على حد يقف جنبها غير الشيوعيين, فالموضوع كان متبادل

• في سنة 1971م حصلت حاجة مهمه جدا....حافظ الأسد مسك حكم سوريا...وركزوا بقى أوي فالحته اللي جاية عشان دي كانت مفاجئة!!!...الرئيس حافظ الأسد كان من طائفة أسمها " العلوية النُصّيرية" ودي طائفة يؤّلهمون سيدنا علي رضي الله عنه, يعني بيقولوا أنه أله – تعالى الله سبحانه عما يقولون علوا كبيرا- وكانوا أصلا مش مسلمين, لحد لما حافظ مسك حكم سوريا, فراح موسى الصدر مطّلع فتوى بيقول فيها أن العلويين دول تبع الشيعة وأنهم مسلميين!!!!!!!!!!!!!!!

لما قريت الكلام ده, معرفتش أستغرب لما شوفت أحداث سوريا ولا حتى أتخض...ويمكن المعلومة دي تخليكوا تدّعوا لأهل سوريا زيادة شويتين تلاته, ناس بيؤمنوا بالخزعبلات دي تفتكروا هيعملوا أي فشعب كامل تحت أيدهم’

• وعندك ومن هنا وهما الأتنين ‘بادي باديز’, وبقى موسى الصدر هو همزة الوصل بين حافظ و الخوميني فإيران, خصوصا أن كان بيؤيد الأنقلاب على الشاة...وقدام هتلاقه كان بيأيد إيران فحربها على العراق عشان هو كان بيكره صدام حسين قوي (ربنا يرينا فيكم شر أنتقامه لما نشوفكم وأنتوا بتتلسوعوا فالنار كده كأنكوا عالجريل)

• وبكده يكون موسى الصدر رمى الأساسات ومستني يطلع بالدولة الشيعية في لبنان...فداهره قوة المراجع الدينية الكبيرة فالعالم خصوصا الخوميني...فقبضة يده نصارى لبنان, ودراعه اليمين سوريا وأمريكا, يعني وخد فتح تحت جناحه...يعني مفيش مزاج أعلى من كده

• في سنة 1974م عمل موسى الصدر حركة "المحرومين" ودي كان هدفها الظاهري رفع مستوى معيشة الفقراء في جنوب لبنان, فطبعا كل الفقراء النصارى السُذج دخلوها على اساس أنها خير وكده, بس كلهم لما أكتشفوا أتجاها الشيعي خرجوا منها ومبقاش فيها غير فقراء الشيعة...والراجل مكدبش خبر, أول لما بقى فيها شيعة بس راح متفق مع ياسر عرفات اللي كان قائد فتح ساعتها أنه يدّرب الأخوة المحرومين دول, وحكومة لبنان قاعدة بطيخة كده!!

• في سنة 1975م لما الأخوة المحرومين خلصوا تدربهم, راح موسى عمل لهم بارتي صغيرة كده وبيبسي وجاتوة وفتح لهم جناح عسكري للحركة سماه " أفواج المقاومة اللبنانية" وأختصرها بأسم حركة "أمل"...يا حنيين

• وشوف اللي يقولك ديل الكلب – لموأخذة- عمرة ما يتعدل, أول حاجة عملوها أنهم قلبوا على الفلسطينين وطالبوا بترحيلهم من الجنوب الشيعي, ماهو خلاص خد غرضوا منهم, وطول الوقت هما منسوش أنهم سُنّة...وهتلاقي حركة أمل - اللهم أجعلهم فالدرك الأسفل من النار- هيقتلوا الفلسطينيين في حرب المخيمات من سنة 1985م إلى سنة 1988م في مجزرة أوحش من مجزرة "صابرة وشاتيلا"

حسبي الله ونعم الوكيل...أسيبكم مع الفيديو...أظن ده كفاية قوي النهارده :"(