أحب أيام الدهر-1

السلام عليكم,

أولا, كل سنة و أنتم إلى الله أقرب و فالجنة أعلى و عن النار أبعد و فالخيرات أسرع 

ثانيا, كان نفسي أقولكم نتحضر للأيام الحلوة دي و كده, لكن خلاص بدأ السباق من النهاردة فيلا بينا

" وَسَارِعُوا إِلَى مَغْفِرَةٍ مِنْ رَبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ "

ثالثا, ده درس حضرته يعني من الأخر أنا معكم مستمعة لا أملك كلمة من الكلام الحلو ده, يعني لو كان ده منتدى كنت هتلاقي تحت كلمة "منقووووووووووووووول"

-------------------------------------------

من أول النهاردة لحد يوم النحر (اللي هو الوقوف بعرفة) و بعده بتلات أيام كمان (اللي هما أيام التشريق) دول أيام غالية جداااا و فيهم نفحات خير كتير قوي و مع ذلك مظلومين, لأنهم مش زي رمضان ( فيه أستعداد قبله وهمم الناس عالية و قيام فالمسجد و صيام و شياطين مسلسلة و كده يعني )

عشان كده في وجهة نظري ده اختبار و جهاد كبير قوي يمكن أكبر من رمضان!

طيب, الأول كده, أي فضل الأيام العشر اللي أحنا بنتكلم عليهم دول؟

1) أفضل أيام الدنيا: قال صلى الله عليه وسلم: "أفضل أيام الدنيا أيام العشر"

2) فيها أعظم أيام الدهر: النبي صلى الله عليه وسلم أنه قال: " أعظم الأيام عند الله يوم النحر، ثم يوم القر". رواه أحمد وأبو داود والحاكم وصححه الألباني

يوم النحر: زي ما قلنا فوق اللي هو يوم 10 من ذي الحجة

و يوم القر: هو يوم الإستقرار في منى (اللي هو يوم 11 ذي الحجة) اليوم اللي بعده يعني

3) فيها يوم عرفة: عن أبي قتادة أن رسول الله صلى الله عليه وسلم قال : " صيام يوم عرفة أحتسب على الله أن يكفر السنة التي قبله والسنة التي بعده "  رواه مسلم 

و كمان يوم عرفة ده يوم يعتق فيه الرقاب (و أكتر من رمضان كمان!!!)

عن عائشة رضي الله عنها أن رسول صلى الله عليه وسلم الله قال : " ما من يوم أكثر من أن يعتق الله فيه عبدا من النار من يوم عرفة وإنه ليدنو ثم يباهي بهم الملائكة فيقول ما أراد هؤلاء"  رواه مسلم

يعني مالأخر ألحق يا كبير (اللي عنده ذنب يستغفر و اللي عنده توبة كان مسوفها ياادووووب يلحق يعملها)

4) أقسم الله (سبحانه و تعالى) بها: 

"وَالْفَجْرِ * وَلَيَالٍ عَشْرٍ "

5) بعدها أيام عظيمة (اللي هي التلات أيام بتوع التشريق): 

" وَيَذْكُرُوا اسْمَ اللَّهِ فِي أَيَّامٍ مَعْلُومَاتٍ "

قال النبي صلى الله عليه وسلم عن أيام التشريق : " إنها أيام أكلٍ وشرب وذكرٍ لله عز وجل "

6) أحب الأيام إلى الله و الحسنات فيها أحب الحسنات إلى الله:

روى البخاري في صحيحه من حديث ابن عباس رضي الله عنهما عن النبي صلى الله عليه وسلم قال " ما العمل في أيام العشر أفضل من العمل في هذه قالوا ولا الجهاد قال ولا الجهاد إلا رجل خرج يخاطر بنفسه وماله فلم يرجع بشيء "

ومعنى الحديث : أن العمل في هذه الأيام يفوق على ذلك العمل في غيره من الأيام ، فمن عمل صالحا في هذه الأيام يضاعف له بما لا يضاعف للأعمال الصالحات في الأيام الأخرى ، مهما كانت منزلة تلك الأعمال ، فأجورها أقل من أجر الصالحات التي تجري في هذه الأيام

طيب بما أن الأعمال فالأيام الحلوة دي أفضل من الجهاد, ما تيجوا نشوف فضل الجهاد في فاصل صغير كده

---------------------------------------------------------

الجهاد

# وفي حديث أبي هريرة رضي الله عنه، قال: جاء رجل إلى رسول الله صلى الله عليه وسلم، فقال: دُلني على عمل يعدل الجهاد، قال: " لا أجده "، قال: " هل تستطيع إذا خرج المجاهد أن تدخل مسجدك، فتقوم ولا تفتر، وتصوم ولا تفطر ؟ " قال: ومن يستطيع ذلك ؟

# عن سلمان رضي الله عنه قال سمعت رسول الله صلى الله عليه وسلم يقول: " رباط يوم وليلة خير من صيام شهر وقيامه، وإن مات فيه جرى عليه عمله الذي كان يعمل وأجري عليه رزقه وأمن من الفتان " و الفتان ده هما منكر و نكير

# في حديث أبي سعيد الخدري رضي الله عنه، قال: قيل يا رسول الله أي الناس أفضل ؟ فقال رسول الله صلى الله عليه وسلم: " مؤمن يجاهد بنفسه وماله " قالوا: ثم من؟ قال: " مؤمن في شِعْب من الشِعاب، يتقي الله ويَدَع الناس من شره "

# سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ ، يَقُولُ : " مَثَلُ الْمُجَاهِدِ فِي سَبِيلِ اللَّهِ كَمَثَلِ الصَّائِمِ الْقَائِمِ ، وَتَوَكَّلَ اللَّهُ لِلْمُجَاهِدِ فِي سَبِيلِهِ إِنْ تَوَفَّاهُ أَنْ يُدْخِلَهُ الْجَنَّةَ ، أَوْ يُرْجِعَهُ سَالِمًا بِمَا نَالَ مِنْ أَجْرٍ أَوْ غَنِيمَةٍ "

---------------------------------------------------------

و أفتكر أن اللي بيعمل حسنات فالأيام العشر (اللي خلاص هتبدأ يوم التلات دي) ليه أجر أكتر من المجاهد (اللي لسه شيفين ثوابه أزاي فوق)

نكمل بقى

7) تدخلك في محبة الله بمنتهى السهولة: لأن لما تعمل اللي ربنا بيحبه و تحب اللي ربنا بيحبه, أكيد ربنا هيحبك

يعني مثلا أكثر من قول "سبحان الله و بحمده, سبحان الله العظيم" (حبيبتان إلى الرحمن) تبقى كده قلت كليمات ربنا بيحبها في أيام ربنا بيحبها

عاوز ربنا يحبك و تبقى قريب منه, حب ما يحب

فأي عمل تعمله خد نية أن ربنا يحبك لأنك بتعمل أكتر حاجة هو بيحبها

8) مضاعفات للأجر:

حديث ابن عباس رضي الله عنهما : " هذا زيادة والعمل فيهن يضاعف بسبعمائة " ، وفي إسنادها ضعف 

(يعني التسبيحة الواحدة اللي هي أصلا بعشر أمثالها بقت 700 يعني 7 ألاف تسبيحة, و أنت عارف فضل التسبيحة الواحدة أي===>- عن أم هانئ بنت أبي طالب قالت : مر بي رسول الله صلى الله عليه وسلم فقلت: إني قد كبرت وضعفت, فمرني بعمل اعمله وأنا جالسه . قال : " سبحي الله مائة تسبيحه , فإنها تعدل لك مائة رقبة تعتقينها من ولد إسماعيل , واحمدي الله مائة تحميده , تعدل لك مائة فرس مسرجه ملجمه تحملين عليها في سبيل الله , وكبري الله مائة تكبيره , فإنها تعدل لك مائة بدنه مقلده متقبله , وهللي مائة تهليله, تملأ ما بين السماء والأرض , ولا يرفع يومئذ لأحد عمل إلا أن يأتي بمثل ما أتيت به " رواه احمد بإسناد ه حسن . وحسن إسناده الألباني رحمه الله)

قال الأوزاعي" بلغني أن العمل في اليوم من أيام العشر كقدر غزوة في سبيل الله يُصام نهارها ويحرس ليلها إلاّ أن يختص امرؤ بشهادة "

----------------------------------------

أجمالا, الأيام دي أفضل أيام الدهر و أحبها إلى الله و فيها الحج و ربنا أقسم بها و فيها يوم عرفة (ما من يوم أفضل عند الله من يوم عرفة ينزل الله إلى السماء الدنيا فيباهي بأهل الأرض أهل السماء فيقول انظروا إلى عبادي شعثا غبرا ضاحين جاءوا من كل فج عميق يرجون رحمتي ولم يروا عذابي فلم ير يوم أكثر عتقا من النار من يوم عرفة)

" إن لربكم في أيام دهركم نفحات، فتعرضوا لها لعله أن يصيبكم نفحة منها فلا تشقون بعدها أبدا "

يعني من الأخر ربنا كريم, رحيم بينا جداااا

يعني ربنا بيبعتلنا أثناء السنة فرص نقرب بيها ليه, تبدأ همتك تقل و مخزونك الإيماني يقل فيروح بعتلك رمضان, تصحى و تفوق و تشتغل كده و بعدين تبدأ تقع تاني, يروح بعتلك العشرة الأوائل, فتعلى, و أول ما تقل يروح بعت لك عاشوراء و هكذا

يعني كل ما نقع يروح ربنا واخد بإيدنا و مقربنا منه تاني :)

طيب نعمل أي؟؟

فالجزء التاني

إلى الشيعة...من أنتم (14)

يبقى بما أننا بقلنا كتير مأتكلمناش عن الشيعة (ربنا يهديهم, واللي ميهديهوش يحرقه)

وشوفتوا بشار (ربنا يأخذه أخذ عزيز مقتدر) يعني مش كفاية كان بيعبد سيدنا علي -رضي الله عنه- كمان يخلي الناس تسجد له !!!

بجد اللهم لك الحمد على (لا أله إلا الله)

المهم نراجع على اللي كنا قلناه قبل كده

تيبقى أحنا كنا أتكلمنا عن حزب الله و ازاي أتعمل وعلاقاته بإيران، و بسوريا، وتخطيطه لإنشاء دولة شيعية في لبنان, والليله دي كلها ، 

و أتكلمنا بعد كده عن حرب 2006م و ازاي الصهاينه فشلوا في تدمير حزب الله، و استهداف قادته، و ازاي الموضوع ده فّرح المسلمين وخلاهم يحسوا بنفسهم، خصوصاً أنهم ماشفوش نصر على اليهود فمن ساعة ما بهدلناهم (أيوه أحنا...مصر يعني) في 73، يعني كان من 30 سنة كده، فطبعا المسلمين ما صدقوا, فقعدوا ينفخوا فحزب الله، و حسن نصر الله، تقولش يعني صلاح الدين الجديد، ولا كأن الراجل من الاثني عشرية، ولا كأن الراجل بيكره أهل السُّنَّة.

---------------------------------------

كده نكون رجعنا على اللي فات, نبدأ بقى فالجديد

تفتكروا حزب الله هيعمل أي بقى بعد الحرب؟؟

بما أن تاريخ الشيعة زي ما أحنا شوفنا (زي القرف)، فأكيد نتوقع أنهم بعد الحرب لازم يعملوا الدنيئة, وده فعلا اللي حصل

قرر حزب الله فورًا الانقلاب على الحكومة (اللي هو أصلا جزء منها)، فقام في 30 ديسمبر 2006م بتنظيم اعتصام كبير حول مقر الحكومة، ونصب أكثر من 600 خيمة عشان لو الاعتصام طول أو حاجة.

طيب كانت أي مطالب الثورة؟؟ (بصوا هي للأمانة مكنتش ثورة بس شكلها كده أستيل ثورة قوي)

طالبوا بأن رئيس لبنان السني فؤاد السنيورة يطلع من الموضوع، مع أن الدستور اللبناني يبيقول أن الرئيس لازم يكون سُنِّي, يعني كده كده اللي هيجوا بعدوا هيكونوا سُنّيين بردوا. (تفتكروا كانوا المفروض ساعتها يطالبوا بأسقاط الدستور و بعدين يعملوا أستفتاء؟؟!)

بس ده مش كان هدفهم أصلا, ولا كان يفرق معاهم الرئيس و العبط ده, أبسولوتلي. هما عملوا المُولد ده كله عشان يثبتوا قدرة حزب الله على تغيير الأمور زي ما هو عاوز, وأن الرئيس الجديد لازم يسمع ويطيع لأوامر القيادة المنتظرة للبنان، اللي هي حسن نصر الله، يعني كان مالأخر مُجرد شوا استعراض العضلات و فشخره.

بس فكرك الحكومة توافق لأوامر حسن نصر الله كده على طول؟ لأ طبعا.

بس زي ما قولنا حزب الله كانت خيمهم مفروشة وكله تمام, ففضل الاعتصام بتاع 18 شهر!! (و ده اللي يثبتلك أن المصري أبو اللبناني :P )

المهم, أن واضح أن الأخوة بتوع حزب الله زهقوا من نومة الخيمة, قوم يعملوا أي؟؟ قام حزب الله عمل عملية إجرامية عسكرية، 

نزل بقواته المسلحة ليحاصر بيروت الغربية كلها, اللي هي عايش فيها السُّنة، وهدد بالاجتياح أو عدم رفع الحصار حتى تُقال الحكومة، وده كان يوم يوم 9 مايو سنة 2008م.

وقلب الموضوع حرب عصابات...و الكارثة أن كان فيه واحد أسمه "وليد جنبلاط" حذر الناس قبل الحصار بستة أيام، وتحديدًا في 3 مايو 2008م.

ده عمل مؤتمر صحفي , وقال أنه لقى مراسلات بين وزير الدفاع اللبناني إلياس المر، ومخابرات الجيش اللبناني تفيد باكتشاف كاميرات تحيط بالمطار تابعة لحزب الله، وقال أنه في الوقت اللي يُمنع فيه دخول السلاح إلى لبنان فإنّ السلاح يتدفق من إيران على حزب الله (زي ما بيحصل دلوقتي في سوريا, ويقولك دول عدم الانحياز, لولا أن الواحد محترم كان قال كلام.... اللهم ارينا فيهم عجائب قدرتك, اللهم ارينا فيهم ما يشفي صدورنا وصدور أمهات و أباء و أخوان و أخوات شهدائنا... أمين )، و فعلا إذ فجئتاً وهوبا و بقى حزب الله الكيان الوحيد المسلَّح، دا كمان هيكون تسليحه أكتر من الجيش اللبناني بكتيييير.

فضل الحصار حوالين بيروت الغربية بتاع 13 يوم كده, لحد ما حصل اتفاق في الدوحة أنهى هذه الحرب، وفك الاعتصام، ولكن تم فك أيضًا التجمُّع الرباعي الذي كان تم تكوينه بين تيار المستقبل السني وحزب الله الشيعي وحركة أمل الشيعية وحزب اللقاء الديمقراطي الدرزي.

واكتشف الجميع أن مثل هذا الحلف صعب للغاية، وأن المصالح بين السنة والشيعة ستتعارض حتمًا، ومن هنا بدأ الفريقان في تبادل الاتهامات والتنافس المضاد؛ فتيار المستقبل أو تجمُّع 14 آذار أصبح يدرك واقعيًّا احتمالية سيطرة الشيعة على الحكم في لبنان، وحزب الله بدأ في اتهام تيار المستقبل بالعمالة لأمريكا لكي يُنقِص من أسهمه عند الشعب اللبناني والتيارات القومية، وفضلت وصالات الردح بين الأتنين، لحد انتخابات يونيو 2009م اللي هيختاروا فيها أعضاء البرلمان الجدد؛ 

و دخل الانتخابات تجمع 14 آذار بقيادة سعد الحريري ضد حزب الله بقيادة حسن نصر الله، و كل فريق يعرض صلاحياته وإمكانياته (تحس أنك في أنتخبات مجلس الشعب حادانا و أسلاميين وليبراليين...تعددت الأسباب والهطل واحد, بس الحمد لله بردوا أحنا عندنا الصح واضح و العك واضح وبرضوا مفيش عنف و هبل حزب الله) .

و كله كان ماشي تمام و التوقوعات فيفتي فيفتي, لحد ما حسن نصر الله اتسحب من لسانه (والغريب أنه معروف عنه أنه داهية سياسية ) ، لولا أن ربنا حب يفضحه..

البعيد قال أي بقى؟؟ أعلن في خطابه قبل الانتخابات في يوم 29 مايو 2009م، (ونص الخطاب موجود على موقع حزب الله) أنه إذا تم انتخاب فريقه فإنه سيأتي بالسلاح إلى لبنان من سوريا وإيران، مُظهِرًا لغة التشيُّع بشكل بارز، حتى إنه قال بالحرف الواحد: "ما أعرفه أن الجمهورية الإسلامية في إيران، وبالخصوص سماحة الإمام القائد السيد الخامنئي -دام ظله الشريف- لن يبخلوا على لبنان بأي شيء"

إنه يقول في منتهى الوضوح للشعب اللبناني: إن التمويل الذي سيكفل لهم الأمان والعزة سيأتي من طرف الشيعة، وهو ترغيب وترهيب في نفس الوقت، ولفتٌ للأنظار إلى حجم حزب الله وعلاقاته.

ووصلت الرسالة إلى الشعب اللبناني، ولكن عكس عن اللي كان عاوزه حسن نصر الله؛ فقد اكتشف اللبنانيون الخطر الشيعي (أحمدك يا رب) ، وعرفوا أن وصول فريق حزب الله للحكم يعني زيادة تسليح وقوة لحزب الله مش للبنان، وأن احتمالات قيام دولة شيعية موالية لإيران وسوريا صارت قريبة جدًّا. 

ومن هنا خاف الشعب و جاب ورا، و أدى أصواته لفريق 14 آذار، مع أن سعد الحريري مش بوب وجامد زي رفيق الحريري, الله يرحمه، وبس اللبنانيين حسوا بنفسهم خطورة الموقف. وطبعا حزب الله معرفش يرجع لحجته البايخه, أن أمريكا هي السبب؛ لأن الانتخابات كانت نزيهة، ولم يطعن أحد في شفافيتها، وفاز تجمع 14 آذار بفارق 14 مقعدًا، وهذا رقم ضخم في الانتخابات اللبنانية، وهو يعني بداية اتِّضاح الأمور بشكل أكبر.

وهنا يأتي دورنا الطبيعي كا قورأ أننا نطلع لحسن نصر الله لسانا و نقوله "نا ننا ناا نانااااا"

طيب أحنا كا مُسلمين سُنيين أي موقفنا من حزب الله ؟؟( غير أننا ندعي عليهم طبعا)

ده اللي هنعرفوا المرة اللي جاية, بس لحد ساعتها, أدعوا لأهلنا في بورما و أدعوا لأهلنا في سوريا و خصوصا في داريا.

و وأنتم بتدعوا لهم و بتابعوا أخبرهم, حسوا قوي بمعانتهم و بحرقتهم وساعتها بس أدعوا على بشار و الشبيحه و ايران و حزب الله و روسيا والصين 

و أفتكروا قول الله عز وجل " أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاء الْأَرْضِ أَإِلَهٌ مَّعَ اللَّهِ قَلِيلاً مَّا تَذَكَّرُونَ"

---------------------------------------

معلومة على الهامش:

تابعوا قضية الأحواز في ايران:  http://www.facebook.com/alahwazalarabia 

هبقى أقول لكم دول مين قدام إن شاء الله ^_^

ليبلوكم 3

يبقى أحنا أتفقنا فأخر درس على أن الطريق لربنا لا سهل ولا صعب, ومدام ابتلاك و أنت في معصيتك و ظلمك لنفسك يبقى عاوزك, ولما ربنا يعوزك غير لما أي حد يعوزك, بص فاللي حولك كلهم و قول لي مين مش عاوزك لنفسه؟؟

مفيش...

عارف ليه؟ لأن الوحيد اللي عاوزك لنفسك أنت, لنجاتك أنت...هو الله عز وجل, الذي لا تضره معصية ولا تنفعه طاعة...هو عاوزك تعبده ليه؟؟؟ ولما بتقع ايمانيا بيبتليك عشان يرجعك ليه؟؟؟

عشان رغم معصيتك هو لسه بيحبك و عاوزلك الجنة...يبقى أقل واجب أنك تملأ قلبك بحبه

يعني من الأخر كل واحد وقلبه...و فعلا ربك رب قلوب

 في ناس تدخل فالدين تاني يوم قلبها يبقى فالجنه وفي ناس تحاول كتير وتجاهد كتير وكل واحد عارف قلبه

بس فالأول والأخر السير لربنا يستاهل مننا أننا نجيب أخيرنا فيه, وفكر كده لو كل يوم قعدت 5 دقائق فقط لربنا كان زمان قلبك ده منعم فأنهار الجنة (شوف الإحراج 5 دقايق, شوف أحنا وخصوصا البنات بنضيع كام ساعة بس فالتليفون وأحنا مش حاسيين بالعالم من حولينا!!)

لكن نيجي نقف فالصلاة...خمسوميت حاجة تيجي فدمغنا, واعرف أنك لو وأنت بتصلي جالك من نعم الدنيا ما يلهيك عن الصلاة...أعرف ساعتها أنك لم تؤدي شكر هذة النعمة, يعني مشغول بالهدية عن صاحب الهدية!!!

طيب هو احنا بنقع ولا بننتكس ايمانيا ليه؟؟؟

لأن لا يوجد "جدية ملازمة"...احنا أه عندنا جدية, بس يوم نصحا كأننا هنحرر فلسطين بعد الضهر ويوم نصحى مش قادرين نحرر نفسنا من السرير لصلاة الفجر

طيب أي عواقب الفتور ده:

1) العبد بينزل عند ربنا درجات (وكلنا عارفين الفرق فالدرجة الواحدة كام, يعني الموضوع مش جنة ونار قد ما هو ازاي اسيب مكاني عند ربنا حبيبي يقل ولو ذرة)

2)  العبد بيعوق درجات تانية (ما أنت في فترة فتورك ديه كان ممكن تعلى عند ربنا أكتر بس البعيد غبي) وركز أن في مقولة كانت تقول "من فقد العلو و أثر الهبوط...ادى به الهبوط إلى هبوط"

3) الشيطان بيدخلك من ابواب كانت مغلقة قبل كده (زي صاحبتنا اللي كانت ملتزمة فوقعت فأبتدت تشتاق لأصحاب سوء كانت بقالها تلات اربع سنين نسياهم...يعني باب ايمانك كان قافله عنك ولما قل ايمانك الباب ابتدا يتفتح)

4) حب الدنيا يملاء قلبك, فتبدأ تزهد فالباقية وتتمنى الفانية

وخد بالك أن الله عز وجل بيستخدم العبد على حسب حال قلبه (اللهم لا تجعلنا من المحرومين أو المُستبدلين)

وبصوا كام حد من اصحابك أو اهلك قرب لله ربنا عمل له أي؟؟ هتلاقي اللي كان نرفوز بقى هادي واللي كانت صوتها عالي والفظها خارجة بقى لسانها جميل, اتحداك أنك تلاقي حد دخل فالدين على حق ولا تجد فيه اختلاف, دا احنا كنا بنشوف اخوات التزموا تبصلها تحس فعلا قول الرسول صلى الله عليه وسلم " ادبني ربي فأحسن تأديبي"

اللهم ارزقنا حسن الخاتمة...عارفة أي أكبر حسرة؟؟؟ أن تلاقي ربك و أنتي في تلك الغفلات...غيرنا بيلاقي ربنا وهو ساجد أو وهي حاملة كتاب الله...لكن هنقول له أي يوم نلقاه؟؟؟ "أصلي كنت مخنوقة شوية" ولا "كنت زهقانة" ولا الأنيل "كنت مكسلة أحاسب نفسي واظبطها"

يقول النبي صلى الله عليه وسلم: (بين يدي الساعة فتن كقطع الليل المظلم، يمسي العبد فيها مؤمناً ويصبح كافراً، ويصبح مؤمناً ويمسي كافراً، يبيع دينه بعرض من الدنيا) يبقى أقل واجب أننا ندعي كتير قووووووييي "يا رب احفظ لي قلبي"

و اوعى تفتكر نفسك أكبر من الفتن...بص ربنا بيقول أي لسيدنا محمد (وسيدنا محمد ده احب خلق ربنا إليه وخليل الرحمن وهو أول من يؤذن له بالكلام يوم القيامة و هو اللي أبواب الجنة مش هتتفتح غير ليه) :

"  وَلَوْلَا أَنْ ثَبَّتْنَاكَ لَقَدْ كِدْتَ تَرْكَنُ إِلَيْهِمْ شَيْئًا قَلِيلًا "

طيب لما رسول الله صلى الله عليه وسلم محتاج تثبيت ربنا يبقى احنا محتاجيين أي؟؟؟

اللهم ارزقنا الثبات حتى نلقاك و أنت عنا راضي

 --------------------------------------------------------------

البوست ده كان أخر حاجة ليكم في ذمتي قبل مشروع الكنفرترة اللي قلتلكم عليه هنا:

http://contrast389.blogspot.com/2012/07/converted-muslim.html

 يلا في رعاية الله و حفظه, سلام :)

يوميات converted muslim

السلام عليكم,

أنا عارفة أن الغيبة كانت طويلة المرة دي اعذروني.

المهم دي سلسلة جديدة عاوزه أبدأها معاكم, واللي يعرفني منكم يعرف شغفي اللي يكاد يصل لمرحلة الهبل بالطائفة من الناس التي يطلق عليها ال "converted Muslims" بالبلدي كده المسلمين الجداد, اللي أعلنوا إسلامهم وكده يعني.

في واحدة من صحباتي كانت كل ما تلاقيني واقعة إيمانيا تقولي:

"طيب ما تيجي النهاردة نكون كونفرتد مُسلمز؟ "

فأنا قررت أننا كلنا نبدأ مع بعض رحلة الكنفرتره وكالعادة أنتم هتيجوا معاية قهر

XD

عارفين القصة بتاعت التلاته اللي أتقفلت عليهم الصخرة وهما فالغار, وكل واحد دعى ربنا أن الصخرة تنفرج بعمل عمله خالص لوجه الله

(للي مش عارفها, أهه ===> http://forums.mazika2day.com/1756178-post23.html )

المهم أني فكرت, طيب لو كنت أنا معاهم و فاضل أخر تُت والصخرة تنفرج و كلهم بصولي عشان ادعي ربنا بعمل عملته له بس, هقول أي؟؟!

"و الله أنا رأيي القاعدة فالغار مش وحشة و أهو حتى تراوه, أنتم فعلا عاوزين تخرجوا؟!!"

فعلا شر البلية.....

دورت كده شريط الذكريات و قعدت أفكر هل أنا عمري عملت عمل لله فقط من غير رياء, من غير نفاق....من غير كبر؟!

 ولو فعلا ده حصل, هل كان عمل يليق أنه يتقدم لله عز وجل؟؟!

23 سنة مسلمة ولا أجد شيء أملأ به صحيفتي!!!

طيب الحل أي؟؟

....

...

..

.

نفوّر الصحيفة!!! يعني أي؟, يعني من الأخر جيب كراسة جديدة, ورقة نضيفة على ميه بيضة

أصل lets face it

أي فالصحيفة القديمة مخلينا مُتمسكين بيها قوي كده؟

أنا رأيي كل واحد فينا يروح يستحمى كده بنية التطهر, ويقعد مع ربنا يقوله أنه يشهد أن لا إله إلا الله و أن محمد عبده ورسوله...و وأنت بتقولها فكر فيها, فكر يعني أي لا إله إلا الله

يعني أي مفيش حد فالدنيا يستاهل يُطاع وتتذلل له غيره, يعني أي مينفعش تحب وتكره غير ليه وفيه, يعني أي سمعنا و أطعنا

عشان قدام لما تيجي تقسم بالله تبقى عارف كويس أنت بتقسم بمين

و بعدين استحضر القبلة و اشهد أن الله أكبر...أكبر من أي معصية...أكبر من أي شهوة نفس مش قادرين نسيبها, أكبر من أي صحبة سوء غاليه علينا

و بعد ما تشهد روح أجري اسجد له سجدة ذل و قول له "سبحان ربي الأعلى" اللي أعلى من الشيطان و النفس والهوى و أي حاجة

و لو جالك وسواس أنك مش هتنجح, أو هترجع لذنوبك ومعاصيك تاني...استعذ بالله, بس متستعذش من الشيطان بس

لأ...سيبها مفتوحه قول له يا ربي أنا بعوذ بك...بعوذ بك من نفسي عشان بجد ساعات بترعب منها, بعوذ بك من الناس عشان أنا بطبيعتي بنساق وراهم, بعوذ بك من معصية حبتها لدرجة أني مبقتش بندم عليها, بعوذ بك من قلب قاسي, بعوذ بك من جوارح اللي هي نعمك و أنا استخدمتها في معصيتك, بعوذ بك من قلة حياءي معاك...يا ربي أنا بعوذ بك منك....يا ربي أنا بعوذ بك عشان مفيش غيرك هيحميني و هيرعيني و هيقويني.

وبعدين شهّد الله عليك و أوعده أن في يوم 28\ شعبان \ 1433 من الهجرة أتولد مسلم موحد جديد.

 بس مسلم بجد من الَّذِينَ يَظُنُّونَ أَنَّهُم مُّلاَقُوا رَبِّهِمْ وَأَنَّهُمْ إِلَيْهِ رَاجِعُونَوكمان الَّذِينَ يَقُولُونَ رَبَّنَا إِنَّنَا آمَنَّا فَاغْفِرْ لَنَا ذُنُوبَنَا وَقِنَا عَذَابَ النَّارِ, الصَّابِرِينَ وَالصَّادِقِينَ وَالْقَانِتِينَ وَالْمُنفِقِينَ وَالْمُسْتَغْفِرِينَ بِالأَسْحَارِ

:)

ليبلوكم 2

طيب, أولا الكلام ده كان من الدرس اللي قلت لكم أدعولي أرجعلوا :)

ثانيا أنا حبيت أبدأ الموضوع المرة دي بأكتر حته أثرت فيه فالدرس

" أفمن زين له سوء عمله فرآه حسنا "...بجد أزاي كان وقع الأية عليه كده...عارف لما تكون الدنيا سرقاك قوي, وأنت كنت فعلا واجد نوايا كتير للعمل ومحتسبها بقلبك بس فالطريق بقيت بتعملها وخلاص لأنك بقى مش عارف تخرج منها أو لأنك عندك فيها ألتزمات دُنيوية مش هتعرف تسبها أو لأنك بتقنع نفسك أنك أول ما الدنيا تهدى شوية هتقعد وتظبط نفسك!!! ساعتها بس أدعي أن ربنا يرزقك بلاء يرجعك لأن اللي أنت فيه ده هو البلاء الحق اللي مش هيوصل غير لكارثة بكل المقاييس...ادعي ربنا ببلاء يفكرك بنعمه عليك...ادعيه ببلاء يحسسك بفقرك وعجزك ليه..ببلاء يقولك صريحة {لو ربنا مش عاوزك تطّلع نفسك الجاي استحالة تطلعوا}...بلاء يرد ليك بصيرتك حتى لو أخد بصرك...عارف ليه؟؟؟ لأن ده حبيبك و ربك وقلبك بين أصابعه يقلبه كيف يشاء...مينفعش أكمل في دنيا وربنا مش في حسبانك ولا عاوز تكون "الَّذِينَ نَسُوا اللَّهَ فَأَنسَاهُمْ أَنفُسَهُمْ أُوْلَئِكَ هُمُ الفَاسِقُونَ"??

(أنا أسفة لو الكلام جامد شوية بس يعلم الله أن ده ليه قبل ما يكون لأي حد...وفعلا الموضوع كبييييرر قوي!! رحمنا ورحمكم الله)

نرجع بقى للتسلسل الطبيعي للدرس :)

طيب هل كل الناس بتفقه البلاء زي بعض؟؟

طبعا لأ لأننا درجات هند ربنا لذلك فهم البلاء عندي مثلا غير عند حد أصلح مني وأكيد فهمه عند الأنبياء حاجة تانية خالص

1)    بص قصة سيدنا يعقوب عليه السلام:

·      بص شدة البلاء عليه, يعني هو كان أحب أتنين في أولاده هما سيدنا يوسف عليه السلام وبنيامين

·      فشوف لما ربنا يشاء أنه يبتليه ويأخد أحب أولاده ليه...رد سيدنا يعقوب عليه السلام "قَالَ بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ"...أولا في "بَلْ سَوَّلَتْ لَكُمْ أَنفُسُكُمْ" لأن أكيد هو ربنا علمه وفهمه

·      وشوف بقية الأية وقمة الأدب مع ربنا في أعظم الأبتلاءات في نظري, دي الأم لو بس بنتها أو أبنها مرض شوية بتكون هتتجنن خلاص لكن ده شوف أدب أي والأهم في وقت أي؟؟!!

·      وخد بالك أن بلاء الصالحين عمره ما يقل بل على العكس ده هيزيد, عارف ليه؟؟ لأن دي تربية ربنا لأحباءه -اللهم أجعلني منهم- لأن أحب القلوب لربنا قلب منكسر له, مُتكل عليه وده هتحسوا قوي لما ربنا شاء أن تاني أحب سيدنا يعقوب عليه هو كمان يتاخد

·      لأ والله دا التوكل كان قبل ما يتاخد حتى, هما ولاده كانوا لسه بيستأذنوه ياخدوا بنيامين معاهم, بص بقى هو رد قال أي "قَالَ هَلْ آمَنُكُمْ عَلَيْهِ إِلاَّ كَمَا أَمِنتُكُمْ عَلَى أَخِيهِ مِن قَبْلُ فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ"....."قَالَ لَنْ أُرْسِلَهُ مَعَكُمْ حَتَّى تُؤْتُونِ مَوْثِقًا مِّنَ اللَّهِ لَتَأْتُنَّنِي بِهِ إِلاَّ أَن يُحَاطَ بِكُمْ فَلَمَّا آتَوْهُ مَوْثِقَهُمْ قَالَ اللَّهُ عَلَى مَا نَقُولُ وَكِيلٌ

·      لما رجعوا من غير بنيامين, كان نفس الأدب مع ربنا وتوكل عجيب وسبحان الله بردوا الصالحين كل ما تنقطع الأسباب يزيد توكلهم. بص رده على أولاده "قَالَ بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ عَسَى اللَّهُ أَن يَأْتِيَنِي بِهِمْ جَمِيعًا إِنَّهُ هُوَ الْعَلِيمُ الْحَكِيمُ, وَتَوَلَّى عَنْهُمْ وَقَالَ يَا أَسَفَى عَلَى يُوسُفَ وَابْيَضَّتْ عَيْنَاهُ مِنَ الْحُزْنِ فَهُوَ كَظِيمٌ, قَالُواْ تَاللَّه تَفْتَأُ تَذْكُرُ يُوسُفَ حَتَّى تَكُونَ حَرَضًا أَوْ تَكُونَ مِنَ الْهَالِكِينَ, قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لاَ تَعْلَمُون"

·      سيبكم بقى من كل حاجة وركزوا في " وَأَعْلَمُ مِنَ اللَّهِ مَا لاَ تَعْلَمُون"...ازاي الجملة دي كده, كأنه عاوز يقول لهم تربية ربنا ليه غيركم, تطيب ربنا لقلبي غيركم, معاملة ربنا ليه غيركم...

2)    بص بقى سيدنا محمد صلى الله عليه وسلم:

·      اللي قال " لن يدخل أحدا منكم عمله الجنة قالوا ولا أنت يا رسول الله قال ولا أنا إلا أن يتغمدني الله منه بفضل ورحمة"...وده الرسول صلى الله عليه وسلم اطهر وأنقى قلب خُلق, بس بردوا نفس الأدب مع الله

·      وده الوحيد اللي ربنا حلف بعمره..." لعمرك إنهم لفي سكرتهم يعمهون" عارفيين ليه؟؟ لأن ربنا أطلع على صحيفته فلم يجد فيها يوما لم يكن لله!!!

·      حتى في دعاءه "  يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين"...يعني أي عظمة الحديث ده, يعني حديث يجمع الأستعانة والأفتقار في نفس ذات الوقت...." ولا تكلني إلى نفسي طرفة عين"

    نفس مين؟؟؟ نفس محمد اللي هي اطهر نفس مشيت على الأرض!!! ما بالكم بأنفسنا؟؟!! أي الجبروت اللي أحنا فيه ده, يعني ما احوجنا لهذا الدعاء وما مدى استعلاءنا عنه!!

بجد بعد ما سمعت كل ده كنت كل اللي بفكر فيه : (أي أحلى من أن ربنا يتعرف عليكي برحمته)

يعني أحنا لما بنشوف حد ألتزم قوي أول حاجة بتيجي في دماغنا (أي ده سبحان الله وسابت كل ده عشان الدين؟!) ونبقى مستغربين قوي في حين أن العجب العجيب هو (أزاي ربنا كريم كده أنه يخليها تسيب كل ده وتجيله؟!)

أصل فالأول والأخر أحنا عمرنا ما هنفرح غير لما هو يرجعنا ودي حقيقة, دوروا على السعادة فالدنيا كلها من هنا للسنة الجاية وفالأخر مش هيفرح قلبك غير اللي خلقه

ويا بخت من افرحه الله...

" وَأَدْخَلْنَاهُمْ فِي رَحْمَتِنَا إِنَّهُم مِّنَ الصَّالِحِينَ"

يعني ولله المثل الأعلى, تخيل كده ملك من ملوك الدنيا جالك وقال لك هديك من خزنتي كل يوم 1000 جنية, وأنت شكرته جدا وأحسنت ليه وراعيت ربنا فالفلوس وصرفتها فالخير وهو فضل يراقبك أنت هتعمل أي, فلما لقاك بعد فترة حد كويس, جه وقالك تعالى هدخلك الخزنة خد اللي أنت عاوزه

شوف بقى أنت لو ربنا أدخلك في رحمته, رحمته اللي 1\100 منها بس هو رحمته اللي فالدنيا كلها!!! رحمته اللي قالك فيها "إن هذا لرزقناما له من نفاد"

اللهم أدخلنا في رحمتك

فعلا صدق من قال "لو عرفوه ما تركوه"

اللهم ردنا إليك ردا جميلا...

يلا نكمل المرة الجاية إن شاء الله (أخر واحدة فالبلاء إن شاء الله).