إلى الشيعة...من أنتم (4)

طيب يا بناتي الحلوين أخر حاجة وصلنلها أن الطفل محمد بن العسكري مات فجأة  بعد باباه في 260 هجري و قلنا أن الثوار أحتاروا و الفترة اللي هتيجي دلوقتي سموها "حيرة الشيعة" فالتاريخ ليه لأن اللي بنوا عليه دينهم أبتدا يختل فكل واحد هيطلع بأفتكاسه عشان يكملوا دينهم أمال يسيبوا الموضوع يبوظ ويرجعوا سّنة لأصلهم دى حته يبقى عيب
المهم أنهم في حيرتهم دول أختلفوا و طلع منهم أول طائفة وهي:
1) الأثنى عشرية:

• دول اللي موجودين في إيران و العراق و لبنان (غالبا هما أكتر شيعة موجودين دلوقتي, هما الدومناتينج يعني)
• يروحوا عمليين أي؟؟ عملوا حبة بدع بشعة و قالوا أن دي من أصل الأسلام يعني من أصل عقيدتهم
• أصيع بدعة عملوها هي بدعة الأمامة, ودي عملوها عشان يحلوا أزمة أن مش في أمام من نسل سيدنا علي رضي الله عنه, فقالولك أن الأئمة 12 أمام فقط و قالك أن الأئمة نسلهم مخلصش , أزاي يا عم الحج, قالك الطفل محمد بن حسن العسكري مامتش!!! دا دخل أحد السراديب في جبل و هو عايش هناك دلوقتي (يعني أكتر من 1000 سنة عادي يعني) و أن هو ده المهدي المنتظر اللي هيرجع يحكم الأمة الأسلامية!!!و ماله هما أضرى بردو :s:s:s
• أما الأئمة فهما بالترتيب ده

1) علي بن أبي طالب رضي الله عنه
2) الحسين بن علي رضي الله عنهما
3)الحسن بن علي رضي الله عنهما
4)علي زين العابدين بن الحسين
5)محمد الباقر بن زين العابدين (خاتولي بلكوم أنهم مدخلوش زيد بن زين العابدين, ماهو الراجل ترحم على سيدنا أبو بكر و عمر)
6)جعفر الصادق بن محمد
7)موسى الكاظم
8) علي الرضا
9) محمد الجواد
10)علي الهادي
11)الحسن بن علي العسكري
12)محمد بن الحسن العسكري

• وقالوا كمان إن الرسول صلى الله عليه وسلم أوصى بأسم الأئمة ال12 دول و الصحابة كتموا الحوار ده فعشان كده بيكفروا الصحابة و الكريم اللي فيهم يعني بيفسّقهم من غير كفر (يعني عاوزين منهم كرم أكتر من كده أي؟؟!!)
• طيب أي الفتي اللي دخلوه من تاريخهم الفارسي :

 1) أن التوريث في الأمامة يكون للأبن الأكبر (زي فالأفلام الأنجليزي بتاعت وقت ماري أنطوانت و الفتي ده)
2)قالولك أن الأئمة ال12 معصومين من الخطأ (تقديس العائلة الحاكمة) يعني كلامهم زي القرأن و الأحاديث, دا كمان تلاتربع أحكامهم من أقوال الأئمة دول سواء بقى أقوالهم من أبو حقيقي ولا شائعات ولا واحد حب يزود حاجة فقالك الأمام كذا قالها وكده يعني
لدرجة أن عمو الخوميني بتاع أيران الراجل المرعب ده قال مرة "و إن ضروريات مذهبنا أن لأئمتنا مقاما لا يبلغه ملك موكل ولا نبي مرسل" نعم يا خويا!!! (هتلاقوا الكلام ده في كتاب بتاعه أسمه "الحكومة الأسلامية" حتى أسماء كتبه سخيفة

• الأثنى عشرية دول بقى بيكرهوا الصحابة كره مش طبيعي وكمان شوية من أل البيت زي العباس رضي الله عنه عم الرسول صلى الله عليه وسلم و أبنه عبد الله بن عباس رضي الله عنهما (تفتكروا عشان الدولة العباسية كانت معلماهم الأدب!!!) ما زي ما قلتلكم كله فالأخر سياسة و كله عند العرب صابون
• و أسمع بقى الأفتكاسة الفظيعة دي!! عندهم كل الدول الأسلامية أنها دار كفر...يلا يا كفاره...لأ وكمان عملوا حديث على لسان الرسول صلى الله عليه وسلم بيقول كده يعني عندهم أهل المدينة كفار و أعل مكة و أهل الشام و مصر (ها عاوزين نكفر أي حد تاني براحتكوا يعني تأمروني
• وبالتالي هما رفضوا أي حاجة سنة يعني أي كتاب لبخاري أو مسلم أو النسائي أو أي حد من الناس الجامدة دي و كمان رفضوا الشافعي و بن حنبل (حتى عمر بن عبد العزيز العسول ده رفضوا و كمان صلاح الدين السوبر كيوت تخيلوا
• و بما أنهم مش عندهم غير أقوال ال 12 أمام اللي أغلبها لو مكنش كلها محرف فطلعوا بدع من هنا للسنة الجاية(يعني عندهم القرأن محرف عادي, و بدع الأضرحة و الخزعبلات اللي بيعملوها في مقتل الحسين رضي الله عنه و حجات كتير ممكن أبقى أجمعهلكم بعدين
• ركزوا أنهم أبتدى يبقى ليهم منهج و كتب و حركات بس الحمد لله لسه مش وصلوا لحكم...متفرحوش قوي هيوصلوا للحكم الحلقة
  القادمة إن شاء الله في فترة سميت بالتاريخ بفترة "سيطرت الشيعة" أه والله جتلهم فتره سيطروا...حسبي الله و نعم الوكيل
  
  مها أبوزيد