(7)إلى الشيعة...من أنتم

نكمل للحدوتة؟؟

نكمل للحدوتة

• يبقى أحنا أخر حاجة وصلناها هي فترة "سيطرت الشيعة" اللي كانت من خلال 5 طوائف (تلاته أثنى عشرية و واحدة إسماعيلية و واحده قرامطة...ستايل محل بقالة قوي)

• وقولنا لكل ظالم نهاية, بص بقى النهايات دي:

1. القرامطة أول ناس دولتهم أتفوّرت في نهاية القرن الرابع
2. بعديهم "بني بوية", بس أتأخروا شوية, يعني خلصوا على نص القرن الخامس  كده (على 447 هجري بالظبط) ومعاهم سقطت بقية العائلات
3. حصّلهم الدولة الإسماعيلية العبيدية (أيوه اللي قضى عليها صلاح الدين الكيوت) في نص القرن السادس على567 هجريا كده (حلوة السنة عامتاً)

وبكده الحمد لله يكون عاد العالم الإسلامي رجع حكمه سنّي الحمد لله...طيب تمام كده الحياة بمبي و زي الفل...مع الأسف لأ

رغم أن الحكم رجع سنّي...لكن

Mr. X never dies

فضلت الأثنى عشرية منتشيرة في فارس وحتت من العراق


و فضل الحوار ماشي كده لحد سنة 907 هجري (بداية القرن العاشر يعني)
أي اللي حصل ساعتها؟؟
جه واحد سخيف كده أسمه "إسماعيل الصفوي" و كل العادة عن الشيعة دول, عمل دولة بأسمه (بس على الأقل مش عمل منها ديانة جديدة, الراجل كان متواضع وكمل أثنى عشرية) و فعلا عمل الدولة الصفوية الشيعية الأثنى عشرية في إيران


و كعادة الشيعة توسعوا و أبتدوا يتخانقوا مع العثمانيين اللي كانوا بيحكموا ساعتها (ستايل اليهود و "الشعب يريد" ده ممل قوي)
و راحوا تحالفوا مع البرتغاليين عشان يروحوا يضربوا العثمانيين...و فعلا مذهبهم أنتشر تاني لحد ما البوب "السلطان سليم الأول" الجلادياتور الكبير قابلهم في موقعة "جالديران" سنة 920 و قتّعهم و طردهم من العراق


بس بردوا فضلو يتخانقوا (عارفيين لو هما موجودين دلوقتي كنا قعدناهم على ماتش بلاي ستاشن و خلصنا الحوار بدل وجع القلب ده)
الخناق أستمر قرنين من 907 هجري لحد1148 هجري, وفالسنة دي سقطوا اللي هي كانت 1730 ميلادي...هاه هانت, قربنا الحمد لله, يدوب فاضل بتاع 400 سنة و نوصل لدلوقتي


لما سقطت الصفوية, إيران أتقسمت, كل واحد عاجبه حته خادهاه (دخل بقى الأفغان, الروس, العثمانيين, وحتى الصفويين خدوا حته على أيد عباس التالت أخر السلاطين الصفويين)


ولأن الدولة العثمانية كانت أبتدت تخّلص وكانت ضعيفة و كده, فالروس و الأوربيين دول سيطروا على إيران, فكل القادة اللي تولوا أيران بعد كده كانوا تبع الحكم الغربي, مرة تبع الأنجليز ومرة روس ومرة فرنساويين..


و في سنة 1193 هجري, اللي هي 1779 م,  وصل للحكم واحد أسمه " أغا محمد قاجار" وكان أثنى عشري بس كان علماني (وفي هذا المذنق العلمانية تبقى حاجة زي الفل) وده كان أول شاه لإيران, ومن هنا خلوها ملكية و عياله الشاهيين اللي بعديه حكموا لحد ما واحد أسمه "رضا بهلول" تمرد على العايلة دي وخد منهم الحكم في سنة (1343 هجري= 1925م) وعمل نفسه شاه =))


بس الأنجليز "رضا بهلول" مجاش على مزاجهم فشالوه و حطوا أبنه "محمد رضا بهلول" (عارفينه؟؟ الأمور ده بتاع فيلم "ثرية")

سيبكم بقى من إيران و الشيعة و الرغي ده...فستان فرح ثرية مراته دي كان حلو قوييييي

نحترم نفسنا و نبطل حركات البنات و نرجع لإيران ولا أي؟؟ (لو عوزين نتكلم على الفرح أنا ممكن أتكلم عادي =$)


المهم أن "محمد رضا" مسك الحكم و بقى شاه  وكل ده و الحكم علماني عادي يعني, و في سنة 1399 هجري اللي هي 1979م عملوا الثورة الخومينية (أيوه نسبتا إلى الخوميني...بردكتبول أوي الشيعة دول) و بكده رجعت الأثنى عشرية تحكم إيران تاني (هاه كسبنا أسرائيل قبل ما إيران الشيعية تتعمل أصلا...مصري أم الإيراني)


وهي دي قصة الشيعة من الأول لحد النهاردة...من أولها لأخرها معملوش حاجة غير أنهم ينقلبوا على الحكم السنّي ورا كيموفلاج "الأسلام وحب أل البيت...بلا بلا بلا) وخلال الوقت ده كله عمرك ما شفتهم بينصروا الأسلام اللي بيقولوا عليه, يعني لا شوفناهم ضربوا منجنيق عالتتار ولا رفعوا سيف على الصالبيين ولا أدوا "هد شوت" لأنجليزي ولا فرنساوي ولا برتغالي, الا هاتك ضرب وخناق في السنّة, لأ دا لو حد من أعداء الأسلام هيعتدي على السنّة يبقى يله هيلا بيلا يتحدوا معاه


طيب هتقولولي زمان غير دلوقتي والناس بتتغير ودلوقتي "حزب الله" الشيعي هو الوحيد اللي عامل للمسلمين منظر ومعلم إسرائيل الأدب...هقولكم هكلمكم عن "حزب الله" و حرب العصابات وجو أفلام الأكشن دا كله المرة اللي جاية إن شاء الله =)