أولا, بعتذر عن التأخير بس معلش العشرة الأواخر و كل سنة و أنتم إلى الله أقرب
المهم نرجع للقصة, كنت قولتلكم المرة اللي فاتت أن الشيعة كانت حركات بس لسه مش وصلوا للحكم و أنهم هيوصلو في أوائل القرن الرابع يعني 300 و توت هجري, طيب أحب أبشركم هما وصلوا =)
طيب تفتكروا مين اللي وصل الأول
أحنا عندنا
1) الأثنى عشرية (أكثرهم أنتشار و أقلهم عنف, بس عنيفة بردوا على فكرة)
2) الأسماعيلية (بتاعت اليهود, عنيفة و اغلبية العلماء خرجوهم من المله)
3) القرامطة (بتاعت قرمط الشرير, أعنفهم و كلها خارجين عن القانون)
بسم الله الرحمن الرحيم الأجابة....محمد منير
- لأ, اللي وصل للحكم بطبيعة الحال كان القرامطة لأنهم كانوا أعنف طائفة فيهم, طيب وصلوا ازاي؟؟ واحد من دعاتها و أسمه "رستم بن الحسين" راح اليمن و عمل للقرامطة دوله و أبتدا يراسل الناس و يدعوهم و وصلت دعوته للمغرب بس easy come, easy go
البلد دي أنتهت بسرعة, بس قبل ما تنتهي كانت نشرت فكرها في البحرين بشدة (و البحرين زمان كانت شرق شبه الجزيرة العربية مش البحرين دلوقتي يعني) فبالتالي لما دولتهم وقعت خدوا نفسهم وعملولهم دوله فالبحرين...و في الفترة دي عملوا حاجات بشعة جدا و يمكن أبشع حاجة عملوها كانت في سنة 317 هجرية
عملوا أي؟؟
هجموا على المسجد الحرام و قتلوا كل الحجاج اللي هناك و سرقوا الحجر الأسود من الكعبة بعد تهشيمه و بعتوه لعاصمتهم في حته أسمها "هجر" في شرق الجزيرة العربية!!!!!!!!!!
و الحجر الأسود فضل عندهم لمدة 22 سنة لحد ما السّنة ربنا يجازيهم خير رجعوه سنة 339 هجريا
طيب دول القرامطة, بقية الطوائف عملوا أي
- الأسماعيلية حسوا أنهم ينفعوا في المغرب (ليه؟؟ لأن كانت القرامطة مهدت لفكرهم لأن القرامطة و الأسماعيلية بيشتركوا في حاجات كتير لأن أصلهم كان واحد زي ما قولنا) فبالتالي هما كان ليهم إلى حدا ما شعبية هناك...المهم أن راح للمغرب واحد أسمه "عبيد الله بن الحسين بن أحمد بن عبد الله بن ميمون القداح" ها الأسم بيفكركوا بأيه؟؟ أيون, بميمون القداح ولعبته الدنيأه و فغلا راح عبيد الله ده اللي هو أصلا يهودي و أدعى أنه من أحفاد جعفر الصادق زي ما قولتلكم المرة اللي فاتت لأ وده من جبروته سمى نفسه "المهدي" وقال أنه أمام الدعوة الأسماعيلية, وعشان الدعاية و الأعلان سمى دولته اللي في المغرب الدولة "الفاطمية"- و السيده فاطمة رضي الله عنها منها بريئة- وطبعا كالعادة أنتشرت دعوته أنتشار فظيع مستغله جهل الناس وحبهم لأل البيت...
وفعلا دولتهم دي كبرت قوي لحد ما سيطرت على شمال أفرقيا كله ومع الأسف وصلت مصر =(..و أحتلتها سنة 359 هجريا...على أيد واحد أسمه جوهر الصقلي الأسماعيلي (حد يجبلي الواد ده =@) في زمن المعز لدين الله العبيدي (و اللي يقولك الفاطمي قوله لأ العبيدي نسبة إلى "عبيد الله المهدي" اليهودي =@) و بعدين؟؟
وفعلا المعز لدين الله العبيدي أستقر في مصر و بنى القاهرة...وبصوا بقى الفجأة اللي جيه دي...و بنى الأزهر بهدف نشر المذهب الأسماعيلي!!!! سبحان الله لو يعرفوا أن الأزهر ده هيكون منارة السّنة في وقت من الأوقات...و بنوا مساجد كتتتييير (أكيد عشان ينشروا مذهبهم, مش حبا فالله و الوطن يعني)
و أبتدوا يقتلوا علماء السّنة و ينشروا سب الصحابة رضوان الله عليهم, و نشروا بدع من هنا لسنة الجيه ووصلوا لدرجة الجنون أن شوية منهم أدعوا الألوهية (ممكن أسأل أحنا ماحدش قالنا ليه الكلام ده فالمدارس؟؟ وأنجازات وحركات محدش قالنا البلاوي التانية دي؟؟ أحنا نعمل ثورة..)
وفضلوا محتلين مصر و الشام و الحجاز لمدة قرنين (200 سنة يعني) لحد ما صلاح الدين علمهم الأدب و مشاهم سنة 567 هجرية (مش قولتلكم سوبر كيوت =))
- كده فاضل مين؟؟؟ شاطورين "الأثنى عشرية" : الغريب بقى أن رغم أنهم ليهم الأسبقية فالفتي و بدعهم كتير, كانوا أقل عنف و أنتشار (يله على الأقل بيؤمنوا بالله عز وجل و الرسول صلى الله عليه و سلم و بالبعث و النشور) لأ بس متتعطفوش معاهم دول عندهم بدع جبارة في أصول الدين ومنكرات فاجرة يعني
المهم أنهم أبتدوا يدعوا العائلات الكبيرة في العراق و فارس (طبعا فارس ...هاه رجعوا لأصلهم) ووصلوا سيطرتهم على
1)عائلة "بني سامان" (و أصولها فارسية...مفاجأة!!!) و دي كانت بتحكم حته كبيرة من فارس (إيران يعني)... أمتدت دولتهم من أول القرن الرابع لحد 389 هحريا
2) عائلة "بني حمدان" (من أصول عربية من قبيلة بني تغلب) ودول كانوا يحكمون الموصل بالعراق من سنة 317 ه إلى 369 هجري (لأ دول و توسعوا كمان لحلب من سنة 333 هجري لحد سنة 392 هجري) و فضل الوضع كده لحد ما ظهر السلاجقة السّنة وحراروا العراق
3) أما بقى البوب الكبير كان عيلة "بني بوية" (أصول فارسية بردوا) و اسّسوا دولة في منطقة فارس و وصلوا أنهم احتلوا الخلافة العباسية في سنة 334 هجري بس سابوا الخليفة العباسي كيموفلاج يعني عشان السّنة متتقلبش عليهم و فضلوا محتالينها 100 سنة لحد 434 هجري
و كل السنين دي السّنة كانوا مقهورين و كانوا بيكتبوا سب الصحابة على جدران المساجد و كانوا بيسبوا أبو بكر و عمر -رضي الله عنهما- في خطبهم عادي كده
وبكده يكون القرن الرابع ده هو فترة "سيطرة الشيعة"
عندك
1)الدولة العبيدية (المسماه ظلما الفاطمية) في: كل الدول الأسلامية الأفريقيا + فلسطين و سوريا و لبنان
2)القرامطة في: شرق الجزيرة العربية + الحجاز + اليمن + دمشق
3) الحمدانيون (بني حمدان يعني) في: حبة من الموصل و حلب
4) السامانيون (بني سامان) في: شرق إيران + حبة من أفغانستان + شرق العالم الأسلامي
5) البويهيون (بني بوية) في: حبة من إيران + العراق كلها
و كما هي حكمة الله...لكل ظالم نهاية...لكل ظالم نهايييييييةةة
هنشوفها المرة الجابة إن شاء الله
0 التعليقات:
إرسال تعليق