إلى الشيعة...من أنتم (8)

أولا, قبل ما أبدأ...أدعولي أني أختم القرأن قبل ما رمضان يخلص (ولو ملحقتش يكتبلي ثوابها...جبروت يعني مبهزرش) وأن ربنا يرزقني الثبات على الحق حتى ألاقية و هو عني راضي

دعيتوا؟؟

طيب نكمل الحدوتة, ولا أفتكرتوا كل حاجة ببلاش كده,

طيب بما أن الأحداث في سوريا على قدما وساق- اللهم أنصر أهلنا هناك- و نجاد الأحمدي شغال خطابات- مع العلم أن الخوميئني هو اللي بيتحكم في كل حاجة و نجاد ده مجرد واجهة- فإن شاء الله المرة اللي جاية هكلمكم عن الكوارث اللي حصلت مع سوريا و مع حزب الله ولبنان...شىء لا يصدقه عقل يا شانبوا

المهم النهاردة هنتكلم عن أي؟؟

بصوا اليومين اللي فاتوا كان كل ما رئيس إيران يطلع يقول نتحد مع مصر, كنت بدخل أبص على تعليقات الناس...كان فيه حبه حلويين منهم فاهمين إيران ومضحكش عليهم و عارفيين تاريخهم كمان, بس كان في كتير بردوا عاملين بلاوي,

• يعني اللي يقلك: "فيها أي شيعي ولا سنّي ولا شافعي ولا مالك" على أساس يعني أن الشيعة مجرد مذهب و أن أنا كلنا مسلمين ونتحد وكده

• واللي يقول "يخرب بيت النظام اللي خلاكم تكرهوا أخواتكم المسلمين- قاصده عالشيعة يعني- أكتر من اليهود" على أساس أن إيران الملاك البريء...

• وده بقى كان قاتل, قالك "مش هيقود الأمة الأسلامية غيرك يا نجاد"!!!, بعدالشر علينا

• واللي قال "تشيع أي وهبل أي, ما تبطلوا عقد وخلوا الأسلام يقوم من تاني" وهو ده مربط الفرس...الأسلام أنهون؟؟

• أكتر تعليق عجبني فعلا كان لأخ عزيز - كان حاطت صورة علم فلسطين فمعرفتش كيوت ولا لأ مع الأسف =( - المهم أنه قال على خطاب نجاد

 "قول حق يراد به باطل"

طيب لما إيران و الشيعة عموما ثعاليب كده و عرفوا يضحكوا على 50 % من اللي قرأوا الخبر- دي لو ماكنتش النسبة أكبر- أحنا بقى دورنا أي؟, يعني أحنا نتعامل معاهم أزاي؟ وهل هما فعلا أخطر ولا اليهود؟ وهل نسكت دلوقتي و نركز فاليهود و كسر القلّة ورا السفير ولما نفوق من اسرائيل نبقى نلف عالشيعة؟؟

"هذا ما سنعرفة في حلقة اليوم من "الشيعة...من أنتم" مع مذيعتكم الأموّرة العسولة أنا", وده طبعا بكل الفخر و التواضع في نفس ذات الوقت =))

------------

أي المشكلة؟؟

المشكلة أن أغلبية الناس مايعرفوش حاجة أصلا عن الشيعة, بس بما أن أحنا شعب بيحب الفتي زي عنيه فمينفعش موضوع يتفتح من غير ما نقول رأينا فيه, و هنا بينقسم الناس أنواع

• في ستايل "لالا لاند" و دول اللي بيقولوا "نسيب الخلافات و الخناق و نحط أيدنا في أيد بعض بدل كلنا بنقولا لا إله إلا الله محمدا رسول الله"...طيب لو واحد بيؤمن بالله بس بيستحل الخمرة مثلا (يعني بيقول أنها حلال و بينكر تحريمه فالقرأن...اللي هو نظام <إن كان حلال أدينا بنشربه و إن كان حرام أدينا بنحرقه> ) طيب هو ساعتها مش كفر بجزء من القرأن؟؟؟

• وفي اللي يقولك "أحنا متبهدلين فالصين و باكيستان و العراق و فلسطين من كل الدول الغربية هو أحنا ناقصين نفتح باب تاني علينا و يا سيدي الفتنة نائمة ملعونا من أيقظها"...عندك حق يا عم الحج بس هي الفتنة نايمة فعلا؟؟؟من اللي أحنا شايفينوه الفتنة مش صاحية بس دي صاحية و راحت الجيم كمان!!!

• وفي الناس اللي تقولك "طيب هما أخطر ولا اليهود؟", يعني هو حضرتك مثلا وان أون وان فايتر, ما فيها أي يعني أننا نتصدى لخطريين , وغير كده حبيبي هما كده كده هيجولك, مش قالك نتحد ما هي ديما بتبدأ كده لحد ما تلاقي نفسك عندك الخامنيي الخاص بتاعك

وغير كده ما كلنا شوفنا اللي حصل لما مسكوا الحكم, أتبهدلنا ولا متبهدلناش؟؟؟ واللي يقولك أتغيروا, هقولكم مستنيين أي من ناس بيشتوا خير الناس صحابة رسول الله صلى الله عليه وسلم, ناس عقيدتهم مابتكملش غير لما يشتموا في أحب الناس إلى محمد صلى الله عليه وسلم (عائشة و أبوها أبو بكر رضي الله عنهما)

طيب أنا هقول النهاردة 5 نقط هتفهمنا الوضع أحسن (أو للأمانة عمو راغب اللي هيقول :))

الأول

 (أمير الأنتقام قوووي)

كلنا عارفين موقف الشيعة من الصحابة رضوان الله عليهم إلا حبة صغيرين لا يتعدوا ال15 صحابي, و هي أنهم بيكفروهم والحنيّن فيهم بيفسقهم من غير كفر - ومفيش حد حنيّن دلوقتي- و عقيدتهم مبنيه على زعم أتهمهم رضوان الله عليهم بأخفاء الدين وتحريفه

طيب هنا المفروض نسكت على كل ده تجنب للفتنة!!!

وأي فتنة أكبر من أتهام جيل الرسول شهدلهم "خير الناس قرني", لأ وأتهمهم بالكدب!! 

قال جابر بن عبد الله رضي الله عنه: "إذا لعن أخر هذه الأمة أولها, فمن كان عنده علم فليظهره, فإن كاتم ذلك ككاتم ما أُنُزل به محمد"

بس هو أحنا مدركين عمق أن حد يطعن في الناس دي؟, حد كنت بتكلم معاه قالي هي حاجة وحشة بس هما فالجنة منعمين مش هيضرهم كلام الشيعة في شيء,  وده إلى حد كبير صح فالخوف مش عليهم, الخوف علينا أحنا, أصل لما يُطعن فالصحابة, طيب ناخد دينا من مين, ما ده يبقى طعن مباشر فالدين...

يعني بجد نفسي أسأل الشيعة, لما أنت شككت في أخلاقهم و نوياهم و أعمالهم و أنهم كتموا حق ولاية سيدنا علي- دا زعمهم طبعا, تنزه الصحابة عن كده- قرأن أي اللي بتقرأه؟؟؟ما أصلك لو فاكر أنهم كتموا حاجة قالها الرسول, يبقى ليه ماخبوش أية ولا أتنين؟؟

و لو هنتكلم فالقرأن ده مين اللي جمعه مش أبو بكر اللي أنتم بتلعنوه وبتزعموا أنه تحايل عشان ياخد الخلافة, و مين اللي نسخه مش عثمان اللي أنتم بردوا بتلعنوه, ومين اللي شالوا عنده مش أم المؤمنين حفصة اللي بتلعنوها بردوا؟؟!!!!!!

قال رسول الله: "عليكم بسنتي و سنّة الخلفاء الراشدين المهديين من بعدي"

عشان كده العلماء بيقولوا:

• قال الأمام أحمد: "إذا رأيت أحدا يذكر صحابة رسول الله صلى الله عليه وسلم بسوء, فأتهمه على الأسلام"

• قال القاضي أبو يعلى: "الذي عليه الفقهاء في سب الصحابة, إن كان مستحلا لذلك كَفَرَ, و إن لم يكن مستحلا لذلك فَسَقَ"

• قال ابن تيميه: "من زعم أن الصحابة أرتدوا بعد رسول الله إلا نفرا قليل لا يبلغون بضعة عشر نفس, أو أنهم فسقوا, فلا ريب في كفره"

ليه كل ده؟؟ لأن الطعن فالصحابة ما هو إلا طعن فالدين!!!

طيب واللي يقولك أنا مشوفتش فلان الشيعي بيشتم فالصحابة (أيوه أن قصدي حسن نصر الله) هقولك:

• أصلا الأثنى عشرية قائمة على فكرة أن الصحابة رضوان الله عليهم  تأمروا على سيدنا علي و على أل البيت وعلى أئمتهم ,فلو هو مش مؤمن بفساد الصحابة فهو مش أثنى عشري أصلا...ومعلش هو أثنى عشري

• زعماء الشيعة زي ما قولنا ثعاليب فدايماً بيتهربوا من أي حاجة تبين أنهم بيكرهوا الصحابة, (زي المناظرة اللي كانت بين الشيخ القرضاوي و رافسنجاني ده) الراجل فرهض الشيخ, يعني مش ممكن!! و في الأخر بردوا القرضاوي معرفش يخليه يقول كلمة حلوة في حق الصحابة أو أمهات المؤمنين و وأكد خامنئي، ردا على سؤال وجه إليه حول حكم سب الصحابة والخلفاء الراشدين: إن أي قول أو فعل أو سلوك يعطي الحجة والذريعة للأعداء أو يؤدي إلى الفرقة والانقسام بين المسلمين...حلو قووووي بس قالك أنه حرام لحرمتهم, ولا قلك أنها غلط عشان بتفرق المسلمين والرغي ده؟؟ (الكلام ده فجريدة الأهرام نوفمبير 2006)

• تالت حاجة و دي مهمة جددددااااا, أن الشيعة عندهم "التقية" هي تسعة أعشار الدين, هاه يعني أي؟؟؟؟ أنا عملت زيكم كده بالظبط...

التقية دي يعني يقولوا ما يخالف عقيدتهم (يكدبوا يعني) لو كانوا في موقف ضعف, لحد ما يتمكنوا ويبهدلوا الدنيا, واحنا شوفناهم كانوا زي الفيران أزاي لما كانت الخلافة العباسية قوية.

يبقى فالحالة دي الساكت عن الحق مش شيطان أخرس بس, لأ ده ممكن سكوته ده يؤدي لضياع الدين (اللهم لا تجعل مصيبتنا في ديننا, أمين)

الثاني

خطر التشيع فالعالم الأسلامي, أوعوا تكونوا فاكريين الشيعة قاعدين بطة كده مش بيعملوا حاجة, أبسولوتلي

دا المرعب أنه مش بقى في إيران و العراق ولبنان, لأ دا وصل وبقوة البحرين, الإمارات, سوريا, الأردن, السعودية- وايوة وصلها- أفغانستان, الباكستان, مصر, الديزة, العتبة, ميدان عابدين و حتت تانية كتتتتتييير

والكارثة الأكبر أن في ناس بيكون تفكرهم شيعة إلى الصميم من غير ما يكونوا عارفيين أنهم شيعة, يعني عادي هما في دماغهم هما سنّة عادي

و المصيبة التانية أن الصوفية أبتدوا يوطدوا علاقات مع الشيعة على أساس أنهم بيحبوا أل البيت و كده يعني (وحط بدعي على بدعك و نعمل دين جديد) و زي ما كلنا عرفين الصوفية ليها قاعدة جماهير كبيرة في حتت ممكن متتقبلش الشيعة!!!

الثالث

أزمة العراق: أصل هناك أصبح الطبيعي قتل السنّة لأنهم سنّة, والله أنا كنت فاكرة أن الوحيدين اللي بيقتلوا هناك هما ال يو أس تروبس, بس واضح أن الشيعة بيحبوا يساعدوا وكده وخصوصا أمريكا

يعني من سنة 2003 لسنة 2006 فيه أكتر من 100 ألف سًنّي قتلوا على أيدين الشيعة!!!دول لو كانوا قتلوا العدد ده من الأمريكان كان زمنهم خلصوا, لأ دول كمان بجبروا السُنّة العراقيين أنهم يهجروا بره العراق يعني بيغيروا التركيبة السكانية عشان يكونوا هما الأغلبية هناك :(

الرابع

أطماع إيران فالعراق واضحة زي الشمس, دول كمان بيقولوها, يعني فضل وقت صدام الحرب ما بينهم 8 سنين

وركز أهمية العراق لإيران لأنها فيها قبور 6 أئمة من ال12 أمام (سيدنا علي رضي الله عنه فالنجف- الحسين رضي الله عنه فكربلاء- موسى الكاظم ومحمد الجواد فبغداد-محمد الهادي و الحسن العسكري فسامراء) فتخيلوا حرقتهم لما القبور دي تكون في أيد ناس مش بيؤمنوا أصلا بأمامة أصحاب هذة القبور.

دا غير أن في عدد كتير من قبور الأنبياء الوهمية هناك (اللي هما أكيد بيؤمنوا أنها مش وهمية...أومال يفوتوا عليهم بدعة, دا حتى يبقى عيب)

وركزوا كمان أن أمريكا تؤيد طمع إيران فالعراق...سيبكم من مسلسلات الردح اللي بيتبدلوها على التلفزيون (ده عشان يورونا أن في وحش بيخوفنا بعد ما قضوا على الوحش الأول -العراق يعني- فيبرروا زيارتهم اللي طولت), هدف أمريكا الأساسي أنهم يضعفوا قوة العرب وده هيحصل لو زادوا الشيعة فبقوا قوة كبيرة فتعمل موازنة مع السُنّة ويدبحوا بعض!!

و المشكلة أن في دينهم أن قتل السُنّي ده فرض, المفتي بتعهم قال "من لا يعتقد بأمامة الأثنى عشر يموت كافر"!!! أصل فكر فيها كده, هما عندهم درجة الأمامة أعلى من الرسل, وأحنا عندنا اللي مش بيؤمن بمحمد صلى الله عليه وسلم بيبقى مش مسلم...

الخامس

 الخامس بقى أن ياريتها وصلت للعراق وبس -مع أن دي كارثة بكل المقاييس- إلا البوعده طمعانيين فالبحرين و بيعتبروها أصلا جزء من إيران وبيقولو أنها كانت المحافظة الأربعتاشر بتاعتهم وكان ليها نائب في مجلس الشعب الإيراني

دا كمان محتليين 3 جزر أماراتية (دي كان اول مرة أعرفها) وعمليين يزيدوا فالإمارات لحد ما وصلو ل15% مالسكان دلوقتي

دا غير أنهم عمليين قلق فالسعودية ساعات بيوصل للتظاهر و التخريب فالمسجد الحرام (زي في الحج سنة 1987 و 1989)

و في مستشار عسكري بتاعب (بس حد من الكبار يعني) قالك أن لو أمريكا ضربتهم , إيران مش بس هتضرب حجات أمريكا اللي فالخليج, دي كمان هتستخدم الصواريخ أنها تضرب أماكن أستراتجيا و محطات البترول هناك...واحنا ملنا يا عم الحج...هي كده غباوة!

ركزتوا فالخمس نقط, هقولكم خمسة كمان إن شاء الله فالأخر

المهم أنكم تكونوا أدركتوا أن الموضوع كبيييير وتتخضوا زي ما أنا أتخضيت

وركزوا أن التاريخ بيعيد نفسه, يعني لما صلاح الدين (أيوة السوبر كيوت) لما جه يحرر فلسطين, جه حرر الناس من الدولة العبيدية, ماقلش ساعتها الصلبيين أولى, ليه؟؟؟ لأنه أدرك أن ربنا مش هيجيب النصر غير لما نصلح العقيدة ونربي الناس على الأسلام الصح

و أي كانت النتيجة؟؟؟

تحرر الأقصى....فأبشروا

 ( فَاقْصُصِ الْقَصَصَ لَعَلَّهُمْ يَتَفَكَّرُونَ)